1 Myi ne iki didik yi blaa zhin ne atu yi Fibi iva mɔr, iwaŋ ndi ana ndum ben abɛ zǝ Arik ne Kankiriya. 2 Mben te izhin bǝ tau ne sak kɛ Arik, ir keŋ ndi aneshir abɛ Arik ana, izhin bǝ na nǝgu iki yiŋ ndi awɔbǝ ben abɛ zhin; te iwa tu maa ayi kpa didik ben aneshir tetɛk te vuŋ nga muŋ yi.

3 Mtǝk Bilkisu ben Akila, akpa muŋ abɛ na ndum kɛ Kristi Yesɔ; 4 ne nek asusun amen ne atu muŋ. Mne nyɛr ba, bai nga ankyak ba, ama bɔbɔk aner abɛ zǝ Arik abaŋ ndi bai ŋli kɛ Yahudawa ba. 5 Izhin bɛ na tek abɛ zǝ Arik ndi abiŋ ne kɔmen ne.

Mna ntǝk ikpa amuŋ Abenita, uwaŋ ndi wa neyi ine kuti ta Kristi ne ntun yi Asiya. 6 Izhin bɛ na tek me Meryamu, waŋ ndi ne naa zhin ndum ngɔŋ. 7 Izhin bǝ tek Andaranikas bǝn Yuniyas, amunzumɔr, akpa muŋ ndi ayi Yahudawa ndi ne kuta ne jaru ndɔndɔ, abaŋ ndi ne zhi ba ngɔŋ ne miŋ kɛ abɛ zǝ Yesɔ tsin, ndi ne kuumti ata Yesɔ.

8 Izhin bǝ tek me Amfiliyas, iwaŋ ndi ayi ikpa muŋ ne miŋ kɛ zǝ Arik. 9 Mna tek Urbanas, ikpa mɔr ne na nduŋ Kristi, ben ikpa ne nyɛr amuŋ Istakis. 10 Izhin bɛ na tek me Abalis, ndi Kristi neka tanyɛme bene bɔu. Izhin bɛ na tek me aner abɛ kɔb Aristɔbulus. 11 Mna tek Hirudiyan ikpa mɔr waŋ ndi ayi awɔnǝ Yahudawa, ben abɛ zǝ Kristi ndi ayi ne kɔb Narkisas.

12 Mna tek Tarafina bǝn Tarafusa, abaŋ ndi ne na ndum kɛ Arik, Izhin bɛ na tek me Barsisa ndi ayi kpa amuŋ, waŋ ndi ne na ndum kɛ Arik ngɔŋ. 13 Mtǝk Rufus, ine na ndum kɛ Arik ndi ne hriau, ben iyah maa, waŋ ndi kɔte mkpaŋ takɛ ne glim ndi zu maa. 14 Izhin bǝ tek me Asinkiritas, ben Filiguma, bǝn Hamasa, bǝn Baturobas, Bǝn Hamasa, bǝn nki amunya abɛ zǝ Kristi ndi ayi bǝn abɛba. 15 Izhin bǝ na tǝk Filulugusa, bǝn Yuliya, bǝn Niriya, bǝn va men, bǝn Ulufas bǝn abɛ zǝ Arik bɔbɔk ndi ayi bǝn abɛba. 16 Izhin bɛ tek akpa ne ku asa ne sik susun. Aneshir bɔbɔk abɛ zǝ Arik atǝk zhin.

17 Mben zhin, amunya: Izhin bǝ hria ayi te abaŋ ndi aŋar aneshir te na shur aneshir iki yi duŋ ba zhaku ne tanyɛme yi susun men te duŋ ba duŋ zǝ ilɛ keŋ ndi ne tsar ba ne kɛ. Izhin bǝ te shaan ben abɛba! 18 Tǝ abaŋ ndi ana iki yiŋɛ ba zǝ Kristi Arik amɔr ba, amaa azǝ ine men. Acɔk aneshir abaŋ ndi ba ne zhi ikinuŋ ba ne lǝlɛ yi rɛ wɔ ben imen kɛ anu amen. 19 kɔte ŋɔwa ne wɔ ilɛ kɛ vuŋ kpa min miŋ kɛ ne zǝ ilɛ kɛ Arik, neme mnyɛr zhin. Ama mwɔb te izhin bǝ yi abɛ mgbemgbebɛ ne iki didik, te te zhin shaan ne iki yiŋ ndi iyi mimin. 20 Ankyak Arik waŋ ndi iwa ayi ne nek sik susun, atei caŋ ishetan ne aza min.

Iki didik yi Ŋgɔŋ Yesɔ amɔr bɛ yi ben abɛ zhin.

21 Timoti, ikpa ne na ndum amɔr atǝk zhin; te ben Lukiyas, Yason, ben Susibataras, akpa mɔr Yahudawa.

22 Nga, Tartiyas, waŋ ndi ne cɛr mplɛ kǝŋe, mtǝk zhin abɛ zǝ Kristi.

23 Gayus iwaŋ ndi ne tam, ne kɔb keŋ ndi abɛ zǝ Kristi abiŋe, atǝk zhin; Arastas, ine nyak azɔb ayi ntun, ben izumɔr Kawartas atǝk zhin.

24 Iki didik yi Arik Yesɔ Kristi bǝ yi ben abɛ zhin bɔbɔk. Ibǝ yi amɛ.

25 Ta bǝ nek Arik ŋgɔŋ maa! Uwa ne duŋ zhin klɛ mgbamgbaŋ ne tanyɛme yi susun min, ne ki didik yiŋ ndi mne du ne kɛ ne atu ayi Yesɔ Kristi ben iki yi zub yi suyir ndi nɛ bui aglɛ rumɔ ndi ne sui ayir ire ase yi kukub ayi gayir. 26 Azizaŋa, ndi, izub yiŋɛ nɛ men aglii arumɔ ne cɛr yi abɛ bla shar yi Arik; ankyak ne nek ilɛ kɛ Arik ne yaŋ klɛtu ne duŋ aneshir bɔbɔk abɛ zhi, te abɛ tanyɛme te na zǝ kɛ.

27 Igar ben Arik Ŋgɔŋ kiki maa, Uwa ndi mgbemgbebɛ bɔbɔk iyi maa ankyak, bǝ inǝk ŋgɔŋ bǝ zǝ ben Yesɔ Kristi iyaŋ klɛtu! Bǝ yi amɛ.