1 Akpa amuŋ, ai bɛdi ai yik ne susun muŋ te aner amuŋ abɛ lieru! Ir keŋ ndi me mben Arik ne atu amen! 2 M tei nduŋ zhin bǝ zhi te anere ne su tu ne nkɔŋ kɛ zhi ilɛ kɛ Arik; ama inek tu mǝne ba iyi ne atu ayi mgbemgbebɛ kɛ tu ba. 3 Aneshire bane zhi ankɔŋ tsetser awaŋ ndi are ben Arik ba te duŋ ba bane nek atu men ne lɛ didik kɛ Arik ba. 4 Ndi amɛ Kristi ne gli ina nyak gar klɛtu, teduŋ iwaŋ ndi ate tanyɛmɛ ne susun didik ben Arik.

5 Anebi Musa ne cɛr tedi ina didik se zǝ ilɛ nyak: <<Ineshir waŋ ndi ana kiki yiŋɛ atei sɔŋɔ neyi.>> 6 Ama ilɛ kɛ Arik ne ina didik ndi tanyɛme iyaŋ yik adi: <<Duŋ di ne susun mi, <Ŋɔwa atei yuŋ shu?>>> Tǝ abe te Gli Kristi azime 7 <<Uyi ŋɔwa te utei rib, kɔka ai ŋɔwa atei zi are shu te nyɛ gɔŋmimi?>>> te, igli Kristi lumɔ ne miŋ kɛ ku. 8 Ama iki yi blama idi: <<Ilɛ mɛ Arik iyi gbahir bene bɛ zhin, iyi ne anu amin tena yi ne asusun amin,>> watɔ, nkanlɛ iyi tanyɛme iyiŋ ndi ta du kɛ. 9 Ate yi ndi utǝ tanyɛme ne susun mi te bu anu bla te Yesɔ ayi Ŋgɔŋ te tanyɛme tedi Arik ne lɛgu ne ku, utei yik ita zhɔk 10 Tǝ ne tanyɛme iyi susun tena yik na didik ben Arik, fe ne anu amɔr ta ne bla iklu aŋin mɔr tena ta zuk zhɔk. 11 Ndi ilɛ kɛ Arik idi, <<Iner waŋ ndi ate tanyɛme bene bɔu batei nǝgu shisha ba.>> 12 Tǝ nkaŋkaŋ nuŋ ba yime ne miŋ Yahudawa ben abaŋ ndi bai ŋli Yahudawa ba Ŋgɔŋ zhiin wa ayi Ŋgɔŋ bɔbɔk tena nek anu adidik netu abɛ zhɔu bɔbɔk. 13 Ilɛ kɛ Arik ne di, <<Iwaŋ ndi ate zhɔ isak kɛ Ŋgɔŋ atei yik ita zhɔk.>>

14 Ama atei na kikin te zhɔ waŋ ndi bane tanyɛme bene bɔu kai? Fe atei na kikin te mtanyeme ben iwaŋ ndi bane wɔ kinuŋ ne atu maa kai? Tǝ atei na kikin te wɔ mba nuŋ ate du ba ilɛ mɛ ka? 15 Tǝ atei na kikin te du ilɛ mɛ mba ate shar ba ka? Ir keŋ ndi Ilɛ kɛ Arik ne di, <<Nak tɔ ire kɛ aza aner abaŋ ndi agli ilɛ kɛ men anyɛ me ne atu ayi Yesɔ!>>

16 Ama bai aner bɔbɔk ne ta ilɛ kɛ men kǝŋe ba, Ishaya ne bla tɔ ti ne lɛ kɛ Arik adi <<Ŋgɔŋ, iŋɔwa ne mtanyeme ne lɛ kɛ du mɔr?>> 17 Fena itanyɛme irurɛ ne iwɔ du lɛ, fe awɔ idu ilɛmɛ ire du lɛ netu ayi Kristi. 18 Ama m rib: Ai zub te bane wɔ ilɛ kɛ Arik kai? Ai zub ne wɔ kɛ ndi lɛ kɛ Arik ne di:

<<Akɔr amene ne yir kɔte me ne gɔŋmimi,

Ililɛ mǝne ne yir klɛtu yi gɔŋmimi.>>

19 Fe mtar na rib: Aner bɔbɔk bane zhi kai? Musa ne kuti bla lɛ kɛ Arik adi:

<<M tei nduŋ aner abɛ te ankiŋki ben abaŋ ndi ba ayi ntun ngɔŋ ba;

M tei nduŋ zhin bǝ te rǝra netu ayi ntun yiŋ ndi bane zhi kinuŋ ba.

M tei duŋ abaŋ ndi ba yi ne ntun yiŋɛ ba abɛ yi abliblik,

M tei nduŋ aneshir amuŋ ate mfu.>>

20 Fe Ishaya ine bla tɔ ti ne lɛ kɛ Arik azhɔk kpa te di,

<<Ne yik me bene abaŋ ndi bane wɔb me ba;

<<Mne ngli tu muŋ rumɔ bene abaŋ ndi bane arib me ba.>>

21 Fena ate yi ndi aner Isrela, Ishaya ine bla tɔ ti ne lɛ kɛ Arik adi,

<<Mne mbaŋ mkpaŋ te zen bu aŋɔk tem ta abɛ yaŋ wɔ lɛ muŋ ben aner abɛ wɔb akla.>>