1 Kɔ te ŋɔwa abɛ nek abɛ Gli aneshir ngɔŋ men, te Arik wa ne ŋyen ba ayak ne mben mǝne, ai Arik wa ne nek ba ngɔŋɔ. 2 Neme iwaŋ ndi ate kyak nek ba ngɔŋ men ne kyak iki yiŋ ndi Arik ne nai; waŋ ndi a te na amɛ atei gbaŋ ambuk aku tu ma. 3 Abɛ Gli aneshir ba yi abɛ te sisik ben abaŋ ndi ana ki didik ba, ama ayi ki yi te sisik ben abaŋ ndi ana kiki mimin. Uwɔb te kǝr sisik bǝ teu ben abɛ Gli aneshir kai? Neme na ki didik, atei gbaru asak, 4 te ayi agɛn abɛ Arik ubǝ na ndum didik kɛ tu mi. Ama zhin te na zumimin, izhin bǝ te sǝsǝk men te ayi ne mgbyamgbyaŋ kɛ kpa zhin. Ayi agɛn abɛ Arik agli ambuk Arik ayiŋ ndi atei te abɛ zumimin. 5 Nǝ ki yiŋɛ tsi kli te nek abɛ Gli aneshir ngɔŋ men, ba zhin te klu sak iyah yi Arik ba, ama bǝ yi ne asusun min.

6 Waŋa ayi ki yiŋ ndi duŋ zhin ya gandu, te abɛ gli aneshir a na Arik wa ndum ndi awɔb te ba bɛ na ndum anenen. 7 Nek ba, iki yiŋ ndi azu ane yi; nek ba gandu mi, tsar ba zi tu zhɔk mi bǝn nek ba ngɔŋ men.

8 Izhin bǝ duŋ baŋ hru kɛ nuŋ sak ne tu min ba ihru keŋ ndi zhin baŋ kɛ izhin bǝ nyɛr akpa min. Waŋ ndi ate na me ne zǝ ilɛ kɛ kpa nyak Arik. 9 Ikiki yi zǝ, <<Kǝr ubǝ duŋ zǝ amba ba, duŋ ŋun neshir ba, duŋ zhib ba, duŋ su ayi ne iki yi nuŋ ba,>> iki kikime ne biŋǝ ne nkanlɛ yiŋɛ, <<Nyɛr ikpa mi ir keŋ ndi unyɛr kpa mi.>> 10 Ate yiŋ ndi unyɛr inuŋ, bau te nau zumimin ba; nyɛr, ayi zǝ lɛ kɛ kpa nyak.

11 Nǝ rɛ te izhin bǝ na me, izhin ne zhi te mkpaŋ ne nyɛ ndi zhin te lu kli ne kurna min. Tǝ mkpaŋ kɛ lieru ne te gbahir azizaŋa tabǝ kuti tanyɛme. 12 Ibu neka te, iber tak nyɛ ŋan te amkpa alaŋ, tabǝ bǝ duŋ kiki yi bu, ta bǝ vu kiki yi te ikum ne laŋ amkpa. 13 Ta bǝ Gli akpa mɔr igligli didik, ndi aneshir abɛ tsǝn ne laŋ amkpa, ba baŋ ndi ana ki yi shisha, ben ahwa, ikin irik, ankiŋki, kǝr ta bɛ kyak akpa yi ba. 14 Ama zhin bǝ vu kiki iyi tyak ikum yi Ŋgɔŋ Yesɔ kristi, te duŋ shur ayi ne kiki mimin yi na min ba.