1 Te abaŋ ndi itanyɛme men ba klik ba, ama bǝ ne duŋ te antam ben abɛba ne ki yi na men ba. 2 Aneshire anuŋ itanyɛme men duŋ ba li kiki bɔbɔk, ama inuŋ waŋ ndi itanyɛme maa ba klik ba ali amgbaki ayi lɛmbu. 3 Iwaŋ ndi alime abɛ duŋ tɔ ne yaŋ lime iyaŋ shak yi ba; ine yaŋ lime maayi abɛ duŋ te ne lime ambuk ba; Arik ne ta iner waŋa. 4 Iwa uyi ŋɔwa ndi utei yik lalɛ yi gen ayou nuŋ? Ayi atukɔ amen wa atei tɔ ka ne na didik ka ne zhaku. Ankyak ate lieru Arik atei duŋ ba lieru. 5 Aner anuŋ agbar bɛr naŋ iki iyi bǝn, anuŋ ayik ibɛre yi anenen kɔte ŋɔ abɛ mtanyeme ne susun maa. 6 Abaŋ ndi ne nyak susun men ne bɛr nuŋ abena te nek Arik ŋgɔŋ; abaŋ ndi ali kiki bɔbɔk abɛ na me te nek Arik ŋgɔŋ, abɛ nyɛr Arik ne ki li. Abaŋ ndi ne kyak kiki yiŋɛ abɛ na me te nek Arik ŋgɔŋ, te na nyɛr Arik. 7 Bata kusɔŋ isɔŋ kɛ atu amɔr ba, fe bata ku iku kɛ atu amɔr ankyak ba. 8 Ta te vli, ta sɔŋsɔŋ kɛ Arik, ta te ku, ta ku, ne atu yi zǝ Arik. Fe ate yiŋ ndi ivli kɔ ku,ta yi abɛ Ŋgɔŋ. 9 Tǝ kristi ne ku te lu tsǝtser te wa abɛ yi Ŋgɔŋ ne abɛ vli ben abɛ ku. 10 Izhineba, abɛ li amgbaki anii duŋ zhin te anuŋ ambuk? Fe izhineba abɛ li kiki bɔbɔk ayi anii duŋ zhin mla ben abɛ ta nyɛmei? Bɔbɔk mɔrɔ ta tei klɛ ne ti kɛ Arik te bɛ te ta ŋas. 11 Fe icɛr ilɛ kɛ Arik ne di,

<<Nǝ zhi te Ŋgam yi Arik tsetser, Ŋgɔŋ adi,

Kɔte ŋɔwa atei tar agbarum ne ti muŋ,

Fe kɔte ŋɔwa atei di Ŋgam yi Arik.>>

12 Kɔ te ŋɔwa ne miŋ mɔr, atei, bla kiki yiŋ ndi iwa ne nai ne ti kɛ Arik.

13 Ne me, kǝr ta bǝ duŋ te akpa mɔr ambuk ba. Ite yi amɛ, ta bǝ duŋ wɔb ankɔŋ ane duŋ nuŋ azhaku ba. 14 Ibiŋ tu muŋ ben Ŋgɔŋ Yesɔ iduŋ mzhi te ndi kili nuŋ iyi ne rik; ama izhin te tanyɛme te kili nuŋ iyi ne rik; fe ina yi ne rik bene abɔu. 15 Ate yiŋ ndi cɔk susun kɛ anuŋ la ne ki ndi uli, fe bɔu na yi ne miŋ kɛ tanyɛme ba. Kǝr ubǝ duŋ kili yiŋ ndi uli ibǝ duŋ kpa kɛ waŋ ndi kristi ne ku ne tu ma sik ba! 16 kǝr ubǝ uduŋ iki yiŋ ndi uyigǝ tedi ire bǝ ka ta sak mimin ba. 17 Fe ikɔb Arik bai kɛ li ben iso ba, ama iyi kɛ tsetser ben sik susun, ndi zhu yi Arik inǝk kɛ. 18 Fena ate yi ndi uzǝ kristi ne ankɔŋ awaŋa, ne sik Arik susun tena tanyɛme ben anuŋ.

19 Fena, ta bǝ nyak asusun amɔr ne kiki yiŋ ndi inǝk sik susun ndi na nek akpa mgbyamgbyaŋ. 20 Duŋ zhin, ne tu lɛ kɛ kili, te tyak iki yiŋ ndi Arik ne nai ahrie ahria. atei ya li kili bɔbɔk, ama ba rɛ te tabǝ li ki yiŋ ndi itei duŋ nuŋ azhaku ne lalɛ. 21 Ki yiŋ ndi ne rɛ te bǝ na duŋǝ ita na, iso ayi, te na kiki yiŋ ndi itei duŋ nuŋ ne tanyɛme azhaku. 22 Nyak ki yiŋ ndi une tanyɛme neyi ne susun mi, fe, uwa ben Arik ami. Nyɛr iyi abaŋ ndi ba rǝ kpa ndi ate te ba ambuk ire! 23 Ama ate yi ndi susun mǝne ikyak ne tanyɛme. ki yiŋ ndi une li, ubǝ zhi te uneka lalɛ ne min susun mi ba ne te anenen ne tanyɛme min ba. Tǝ iki yiŋ ndi ba yi ne miŋ kɛ tanyɛme ba ai lalɛ.