1 Fena, ba ta tei sik kpa ba ndi Arik nɛ lǝk ayi atɔ tama, te anǝk ta ndum kǝŋe. 2 Ndɔ mɔr ba yime ne ku kiki mimin bǝn yi nǝk shisha yir ba; ba taba ku amacincii ba, kɔ tabǝ bun lɛ kɛ Arik cɔk la ba. Taba tsi kli ne du lɛ didik ndende, kɔte ŋɔwa abɛ yik lɛ zub mɔr ndende ne dur maa ne ayi aye Arik. 3 ate yi ndi ne ku ilɛ kǝ men wɔ kǝŋe, ne ku kɛ ayar abɛ dɔ ahwaŋa ankyak. 4 Shetan waŋ ndi wa ayi arik ayou abɛ kab kǝŋe abǝ yaŋ zhi Arik iwa ne las asusun amǝne aku, te duŋ ba bɛ yaŋ yik laŋ amkpa yi lɛ kɛ men kɛ Ŋgɔŋ Yesɔ waŋ ndi wa ayi Izhu yi Arik. 5 Ba ta bla zhin lɛ kɛ atu amɔr ba, ama atu ayi Yesɔ Kristi ndi ayi Ŋgɔŋ, ben taba agen amin ne atu ayi Yesɔ. 6 Arik waŋ ndi ne di, <<Nǝ miŋ kǝ bu ilu tei laŋ!>> ina yi anenen Arik wa nɛ na laŋ maa bǝ hrie ne asusun amɔr, te glii izhi ŋgɔŋ kɛ Arik keŋ ndi ilaŋ nǝ ti kɛ Kristi.

7 Ndi amɛ ta yi ne adudunki ayiŋɛ ne miŋ mkpalin te tabǝ zhi te di mgbyamgbyaŋ kǝŋe yi kɛ Arik, bai mɔr ba. 8 Ayar ta shur vli, ama bane mla ta las anyaŋ ba; ne kpur ta, ama ba ta ne kyak kam ti ba; 9 awɔb ta abɛ tsik ŋlɔk, ama ba ne kyak ta ba; atsik ta atyak ahrie, ama ba ne shur ta adɔmɔ ba. 10 Ta yik iku kɔte bɛr tayi ne atu yi Yesɔ ne kpa mɔr, tǝ duŋ susun kɛ Yesɔ bǝ nak mwaŋ ru ne kpa mɔrɔ. 11 Fena taba ndi ta yi atsitsir ta nak yi gbahir kɔte mkpaŋ takɛ ben iku ne tu kɛ Yesɔ, te duŋ izhu yi Yesɔ mɔ bǝ kam mwaŋ ru ne kpa mɔr. 12 Itei yi amɛ, iku kur na ndum ne miŋ mɔr, tǝ ivli zen na ndum ne miŋ min.

13 Ane cɛr tedi: <<Mne nta nyɛmɛ; te duŋ mne mbla lɛ.>> Taba mɔryi nǝ tanyɛmɛ te duŋ ta nak na lɛ, 14 Fena ta ne zhi te di waŋ ndi ne lǝk Yesɔ Ŋgɔŋ alumɔ ne bɛ ai wa atei na lɛk ta alumɔ ndɔ bǝn Yesɔ te avu ta ben zhin atsar tu maa. 15 Iyiŋɛ bɔbɔk iye atu amin; bǝn itazhɔk iye Arik nǝ yir min aneshir ngɔŋ, atei nyɛr nyɛ shak nǝk ngɔŋ kɛ Arik iben tetɛk iyi nǝk nyer.

16 Fena ba ta tei yaŋ zhɔk susun ba, kɔ ndi akpa amɔr ayi abɛm azǝn cɔkla, miŋ asusun amɔr azǝn kam te ayayas kɔte bɛr tayi. 17 Ivǝ yik iya mɔrɔ izǝn tuŋ sɔŋ kɛ ngɔŋ kɛ mwak yaŋ klɛ nyak ta. 18 Te ba ta shur ayi amɔr ne kiki iyi yik ayi ba, ama ne kiki ndi ba yigǝ ba. Amɛ ndi kiki ndi ayige ibaŋ mkpaŋ watsɔb, ama iyiŋ ndi ba ayige ba ibaŋ ase ayi yaŋ klɛ.