1 Akpa amɔr, ta wɔb tǝ izhin bǝ zhi iki didik yiŋ ndi Arik nɛ naa abǝ zǝu nǝ ntuntun yi Makidɔniya. 2 Ne miŋ kɛ yik iyah ngɔŋ ndi ne nek ba neyi, ne nyɛr ne miŋ kɛ yaŋ iki, ne bu asusun te na iki didik. 3 Mnǝ yik nɛ ayi amuŋ tǝ nɛ nek nǝ mgbyamgbyaŋ men, ne nǝk agara kam mgbyamgbyaŋ men, Nǝ yiŋe anɛ yi nǝ miŋ kǝ yaŋ kiki men, 4 nɛ ben ta ngɔŋ tǝ ta bǝ tanyɛmɛ tɛ aba men yi abe yi nǝ min kǝ zɔk abǝ na ndum Arik nǝ Yahuda. 5 Nɛ anaŋ ir keŋ ndi ta nǝ zhɔk susun nɔ! Nɛ kuti anǝk Ŋgɔŋ asusun amen; fe, ankyak, nǝ taa nyɛmɛ Arik nɛ nǝk ta atu amenɛ. 6 Ankyak tane ben Titus, te ai wa ne kuti adu ba lɛ kɛ Arik, iwa abɛ klɛ ndum didik kǝŋe ben abɛ zhin. 7 Neme ndi izhin nǝ men na kɔte nii ne kuti, nɛ tanyɛmɛ, nǝ lɛ, nɛ zhi, nɛ nǝk atu amin ngɔŋ, bǝn itanyɛmɛ min bǝn abɛta, izhin bǝ nak na nǝk atu min ngɔŋ nǝ na ndum kǝ nyɛr.

8 Bam tsar zhin mgbyamgbyaŋ ba, ama mwɔb tǝ izhin bǝ tsar nǝk atu min tǝ na yik nyɛr bǝn iyi anuŋ. 9 Tǝ izhin ne zhi ita zhɔk iyi Ŋgɔŋ Yesɔ Kristi Almasihu amɔr, ndi ne yi kɔte ni ne shu, ama ne kama yaŋ iki ne tu min, te duŋ yaŋ ki maa bǝ duŋ izhin bǝ ne ne kɔte ni ben Arik.

10 Waŋa ai ilɛ kɛ nek muŋ keŋ ne atu yi ki yiŋ ndi ire zhin: Isise izhineba ne yi abɛ kuti ba ne nek ankyak ba ama izhin ne yine bubu iyi na amɛ. 11 Amɛ izhin bǝ klɛ ndumo, ndi izhin ne kuti na kɛ ne asusun amin, te duŋ bubu min bǝ tsik biŋ ne klɛtu mɔ, ne mgbyamgbyaŋ kɛ ki ndi izhin yime neyi. 12 Tǝ ate yi ndi bubumɔ te yime, Arik atei ta iki yiŋ ndi ne nǝge, ndi atei nege susun zhin.

13 Bai wɔb mɔr te izhin bǝ yik iyah te anuŋ abɛ sɔŋ asik ba, ama izhin bǝ yi anenen. 14 Nǝ mkpaŋ kǝŋe yine adudunki min izhin lɔk abɛ yaŋǝ, teduŋ mkpaŋ nuŋ aba menyi atei lɔk zhin ne adudunki amen. Fe neme izhin tei yi anenen, 15 ndi ne cɛr: <<Iwaŋ ndi ne biŋ tetɛk bane yime neyi tetɛk ba, iwaŋ ndi ne biŋ watsɔb bane yime neyi watsɔb ba.>>

16 Mne nyɛr Arik, ndi nɛ nǝk Titus nǝ susun anenen bǝn muŋ netu amin. 17 Ba Titus nɛ wɔ ben mɔr ankyak ba, ama atei nyɛ bǝn abɛ zhin nǝ nǝk tu bǝn tanyɛmɛ maa. 18 Ta tei sharu ndɔ ben zumɔr waŋ ndi aneshir bɔbɔk abɛ zǝ Arik agbaru asak ne na ndum kɛ du ilɛ didik kǝ men. 19 Ba amɛ ankyak ba, abɛ akabaŋkɔŋ nɛ hriau tɛna duŋu abɛ zǝ ta nǝ ndum kǝŋe kǝ nyɛr ndi ta gli ikiki yiŋ ndi nɛ nǝgǝ, ndi ta nǝk Ŋgɔŋ ngɔŋ nǝ tsar nǝk atu amɔr ne lɔk aneshir. 20 Ta na tǝ bǝr tǝ zǝǝ tǝ kǝr nuŋ abɛ nab ta vǝnŋɔk ne atu yi kiki yiŋ ndi nɛ nǝgɛ susun zhiin ba. 21 Ta ne nek atu te ta bǝ na iki didik, ba ne ayi Ŋgɔŋ ankyak ba, ama ne ti kɛ aneshir.

22 Ba me ankyak ba, ta na shar zumɔr nuŋ ndɔ bene aba iwaŋ ndi amkpaŋ tetɛk ne tsar ta te wa ayi ne nek tu, ne naŋ amɛ itanyɛme ben abɛ zhin maa iyi ngɔŋ. 23 Ate yi Titus, ayim ikpa muŋ inǝ na ndum tɛ na yinǝ miŋ min; ate yi amunzumɔr, ayi abɛ anɛr abǝ zǝ Arik tǝna nǝk Kristi ngɔŋ maa. 24 Neme izhin bǝ tsar anɛr abaŋa inyɛr min bǝn aba bǝn iki yi ŋur asa mɔr bǝn abɛ zhin, tǝ anɛr abǝ zǝ Arik abɛ yik.