Mose 1 4

12 Anyigba maganyo nuku na wò o, ne èku kutri le edzi vevie gɔ̃ hã! Azɔ la, àzu tsaglãlatsala kple godzela le anyigba dzi."

13 Kain ɖo eŋu na Yehowa be, "Nye tohehe kpe wu tsɔtsɔ nam, 14 elabena ènyam ɖa tso nye agble kple wò ŋutɔ gbɔ, èwɔm tsaglãlatsala kple godzela, eye ame sia ame si akpɔm la, adi be yeawum."

15 Yehowa gblɔ nɛ be, "Womawu wò o, elabena mada wò tohehe teƒe adre ɖe ame si awu wò la dzi." Ale Yehowa de dzesi tɔxɛ Kain ŋu si ana be ame aɖeke mawui o. 16 Ale Kain dzo le Yehowa ƒe ŋkume, eye wòyi ɖanɔ Nodnyigba si le Edenbɔ ƒe ɣedzeƒe lɔƒo la dzi.