1 Juan 1

Ang Pamumuhay sa Liwanag

5 Ito ang mensaheng narinig namin mula sa kanyang Anak at ipinapahayag naman namin sa inyo: Ang Diyos ay liwanag at sa kanyaʼy walang anumang kadiliman. 6 Kung sinasabi nating may pakikiisa tayo sa kanya ngunit namumuhay naman tayo sa kadiliman, nagsisinungaling tayo at hindi namumuhay nang ayon sa katotohanan. 7 Ngunit kung namumuhay tayo sa liwanag, tulad ng Diyos na nasa liwanag, may pagkakaisa tayo, at nililinis tayo ng dugo ni Hesus na kanyang Anak sa lahat ng kasalanan.