Apocalipse 1

4,5 Mula kay Juan, para sa pitong iglesya*1:4-5 iglesya: Ang ibig sabihin, "mga mananampalataya ni Kristo." sa lalawigan ng Asia.

Sumainyo nawa ang pagpapala at kapayapaang mula sa Diyos na hindi nagbabago ngayon, noon, at sa hinaharap, at mula sa pitong Espiritu*1:4-5 pitong Espiritu: Ang ibig sabihin, "ang kabuuan ng Espiritu." Nangangahulugang "buo, kumpleto o ganap." Sa ibang salin ng Bibliya, pitong espiritu. na nasa harapan ng trono ng Diyos, at mula kay Hesu-Kristo, ang mapagkakatiwalaang saksi, ang unang nabuhay mula sa mga patay, at ang namumuno sa lahat ng hari sa lupa.

Iniibig niya tayo, at sa pamamagitan ng kanyang dugo ay iniligtas niya tayo sa ating mga kasalanan. 6 Hinirang niya tayo upang mapabilang sa kanyang kaharian at maging mga paring naglilingkod sa Diyos na kanyang Ama. Sa kanya ang kaluwalhatian at ang kapangyarihan, magpakailanman. Amen.