Sofonias 1

14 Malapit na ang nakakatakot

na araw ng paghatol ng Panginoon.

Itoʼy mabilis na dumarating.

Mapait ang araw na iyon,

dahil kahit na ang matatapang na sundalo

ay sisigaw para humingi ng tulong.

15 Sa araw na iyon,

ipapakita ng Diyos ang kanyang galit.

Magiging araw iyon ng pighati

at paghihirap,

araw ng pagkasira

at lubusang pagkawasak.

Magiging maulap at madilim

ang araw na iyon,

16 at maririnig ang tunog ng trumpeta

at sigawan ng mga sundalong sumasalakay

sa mga napapaderang lungsod

at sa matataas na tore nito.

17 "Sinabi ng Panginoon,

‘Ipaparanas ko ang paghihirap sa mga tao,

at lalakad sila na parang bulag

dahil nagkasala sila sa akin.

Dadaloy na parang tubig*1:17 tubig: Sa Hebreo, buhangin. ang kanilang dugo,

at mabubulok na parang dumi*1:17 mabubulok na parang dumi: O lalabas ang kanilang mga bituka sa kanilang katawan na parang dumi.

ang kanilang bangkay.

18 Hindi sila maililigtas ng kanilang mga pilak at ginto

sa araw na ipapakita ko ang aking poot

na parang apoy na tutupok sa buong mundo.

Sapagkat tuluyan kong wawakasan

ang lahat nang naninirahan sa lupa.’ "