21 Mo bakegen, pris* ya Esra i talem se, "Nao taem mifala i stap long ples ya, long saed blong reva ya Ahava, mi mi talem long olgeta man we oli kam wetem mi, se mifala evriwan i mas livim kakae blong kam long fes blong God we tingting blong mifala i stap daon. Mifala i askem long hem blong hem i lidim mifala long rod blong mifala, mo blong i lukaot gud long mifala, mo long ol pikinini blong mifala, mo long olting blong mifala.