1 King Sekses i putum wan loa se olgeta man we hem i stap rulum olgeta, nating we oli stap klosap long solwota, no oli stap long bus, bambae oli mas wok blong leftemap laef blong kingdom blong hem, mo oltaem hem i stap fosem olgeta blong oli mekem olsem. 2 Ol gudgudfala samting we hem i wokem we oli stap soemaot hae nem blong hem, wetem stori blong ol samting we i mekem long Modekae, laen* ya blong Isrel* we hem i givim hae nem long hem, oli raetem evriwan long buk ya we nem blong hem Ol Stori blong ol King blong Pesia mo Media.

3 Modekae i praeminista blong King Sekses, mo ol man ples blong hem oli glad tumas long hem, mo oltaem oli stap ona gud long hem. Hem i wan man we i wok strong blong mekem ol man ples blong hem oli stap gud, mo blong olgeta we bambae oli stap kamaot biaen long olgeta oli save stap gud oltaem nomo.