Levítico 5

Ol sin we man i mas mekem sakrefaes from

1 Mo bakegen, Hae God i talem long Moses se, "Moses. Ol sin we oli save mekem yufala i doti olsem long fes blong mi, mo we yufala i mas mekem sakrefaes from, i olsem.

"Sipos oli singaot wan man i go long kot blong i talemaot ol samting we hem i luk no we i savegud, be long kot, hem i no talemaot samting ya, man ya i mekem sin, mo hem bambae i mas kasem panis from.