Mateus 20

26 ✝20.26: Mat 23.11; Mak 9.35; Luk 22.26Be i no stret blong yufala i mekem olsem. Sipos wan long yufala i wantem kam haeman blong yufala, hem i mas kam olsem man blong wok blong yufala. 27 Mo sipos wan long yufala i wantem kam bos blong yufala, hem i mas kam olsem slef* nomo blong yufala. 28 Bambae yufala i mas mekem olsem we mi mi mekem. Mi mi Pikinini* blong Man, be mi mi no kam blong bambae ol man oli mekem wok blong mi. Mi mi kam blong mekem wok blong olgeta, mo blong givim laef blong mi blong pem rod blong plante man oli go fri."