13,14 Olgeta oli stap krae long mi blong mi givim mit long olgeta, be oli plante tumas, mo mi mi wan nomo. Mi mi no save lukaot long olgeta. ?Weples bambae mi mi save tekem mit we i naf blong olgeta?
16 Nao Hae God i talem long hem se, "Yu go singaot seventi man we oli lida blong yufala, we ol man oli stap tinghevi long olgeta, yu tekem olgeta oli kam wanples, blong oli kam stanap wetem yu raon long Haos Tapolen blong mi. 17 Nao bambae mi mi kamdaon long ples ya, mi toktok long yu, mo Spirit blong mi we i stap long yu, bambae mi putum i stap tu long olgeta.11.17: Narafala rod blong tanem tok long fas haf blong vas ya i olsem. Nao bambae mi mi kamdaon long ples ya, mi toktok long yu, mo paoa blong mi we i stap long yu, bambae mi putum i stap tu long olgeta. Nao bambae olgeta oli save givhan long yu blong lukaot long ol man ya, blong wok ya bambae i no moa stap long yu, yu wan.