HOSEA 3

Profet Hosea i pembak woman blong hem

1 Nao Profet Hosea i talemaot we Hae God i talem long hem se, "Hosea. Yu go luk woman blong yu bakegen. Nating we hem i stap mekem i krangke wetem narafala man, be yu mas soemaotgud long hem we yu yu lavem hem. Yu mas lavem hem mo yu mas mekem i gud long hem, stret olsem we mi mi lavem yufala. Nating we ol man ples blong yu oli stap folem ol narafala god, mo oli stap tekem ol grep* we oli sandrae long hem*3.1: Long fasin blong ol hiten man bifo, olgeta oli stap tekem ol grep we oli sandrae long hem, oli stap givim long ol god blong olgeta, from we oli bilif se sipos oli mekem olsem, bambae oli gat plante pikinini, mo ol garen blong olgeta bambae oli gat plante kakae., oli givim i go long olgeta olsem presen blong olgeta, be mi mi stap lavem yufala yet, mo oltaem mi stap mekem i gud tumas long yufala."

2 Nao profet i talem se, "Nao mi tekem seven taosen faef handred vatu* wetem wan handred fifti kilo bale,**3.2: Seven taosen faef handred vatu ya, long fasin blong olgeta bifo, oli pem long silva we oli skelem nomo, we hevi blong hem i samwe long wan handred seventi gram. Long taem ya, silva we hevi blong hem i kasem twelef gram, hem i wan sekel, we i samwe long faef handred vatu long mane blong yumi. Plante man oli ting se mane ya we i kasem fiftin sekel long skel blong olgeta, wetem ol bale ya, praes blong tufala i stret long praes blong toti sekel silva, we i praes blong pemaot slef i kam fri bakegen. nao mi go pemaot woman ya bakegen, i blong mi. 3 Nao mi talem long hem, se hem i mas lego fasin ya blong hem, we i stap mekem i krangke wetem ol narafala man, mo i stap salem hem olbaot, mo i mas wet long mi longtaem, we i stap kwaet nomo, mo mi promes long hem, se long taem ya, mi bambae mi stap wet long hem.