Omulokozi wa Isirayiri Ali Omu Yekka
1 Naye kaakano bw’atyo bw’ayogera Mukama oyo eyakutonda,
ggwe Yakobo,
eyakukola ggwe Isirayiri:
"Totya kubanga nkununudde,
nakuyita nga mpitira ddala erinnya lyo, oli wange.
2 Bw’onooyitanga mu mazzi amawanvu
nnaabeeranga naawe,
ne bw’onooyitanga mu migga
tegirikusaanyaawo;
bw’onooyitanga mu muliro
tegukwokyenga,
ennimi z’omuliro tezirikwokya.
18 "Mwerabire eby’emabega,
so temulowooza ku by’ayita.
19 Laba, nkola ekintu ekiggya!
Kaakano kitandise okulabika, temukiraba?
Nkola oluguudo mu ddungu
ne ndeeta emigga mu lukoola.