1 ያ መነ እስራኤል፣ ዋን ዋቀዮ እስኒን ጄዹ ዸገኣ። 2 ዋቀዮ አከነ ጄዸ፦

"እስን ከራ ሰቦተ ኦርማ ህንበረትና፤

ሰቦትን ኦርማ እሳን ሶዳተንዩ

እስን መለቶወን ሰሚ ህንሶዳትና።

3 በርቴን ኡመቶታ ፋይዳ ህንቀቡ፤

እሳን ቦሶነ ኬሳ ሙከ ሙሩ፤

ኦጌስ ሆጂ ሀርካሞ ቆቶዻን ብፈ እት ባሰ።

4 እሳንስ ሜቲፊ ወርቄዻን ሚዸግሱ፤

አከ እን ህንሶቾኔፍ

ቡሩሳፊ ምስማራን ወልት ቀብሲሱ።

5 ዋቆንሳኒ ቶልፈሞን

አኩመ ፈኬቲ እቲን ዋ ሶዳችሰን

ከን ለፈ ቆቲሳ ቡቄ ኬሳ ሰነ ዱበቹ ህንደንደአን፤

እሳን ዋን ዴሙ ህንደንዴኜፍ ባተሙ ቀቡ።

ሰበቢ እሳን ነመ ሚዹ

ዮካን ዋን ጋሪ ቶኮዩ ሆጄቹ ህንደንዴኜፍ

እሳን ህንሶዳትና።"

6 ያ ዋቀዮ ከን አከኬቲ ቶኮዩ ህንጅሩ፤

አት ጉዳዸ፤

መቃንኬስ ሁምነ ጉዳ ቀበ።

7 ያ ሞቲ ሰቦታ ኤኙቱ ስ ህንሶዳትኔ?

ኩን ሲፍ ንመላቲ።

ኦጌዪ ሰቦታ ሁንደ ኬሳ፣

ሞቱሞተሳኒ ሁንደ ኬሳስ

ከን አከኬቲ ቶኮዩ ህንጅሩ።

8 እሳን ሁንድኑ ቀልቢ ህንቀበን፤ ጎዎተስ፤

እሳን ዋቆተ ቶልፈሞ ሙኬኒ ከኔን ፋይዳ ህንቀብኔን ቀጄልፈሙ።

9 ሜቲን ቱመሜ ተርሺሺ፣

ወርቄንሞ ኡፋዚ ፍደመ።

ወን ኦጌስ ሆጂ ሙካቲፊ ቱምቱን ወርቄ ሆጄተን፣

ወን ሆጄቶተ ኦጉማ ቀበኒን ሆጄተመን ሁንድ

ሀሉ ጩቁሊሳፊ ዲማ ዺልጌ ኡፍፈመኒሩ።

10 ዋቀዮ ገሩ ዋቀ ዹጋት፤

እን ዋቀ ጅራታ፣ ሞቲ በረ በራት።

ዬሮ እን ዼከሙት ለፍት ንሆለት፤

ሰቦትንስ ዼከምሰሳ ዱረ ዻበቹ ህንደንደአን።

11 "እስን ዋን ከነ እሳንት ህማ፤ ‘ዋቆትን ሰሚፊ ለፈ ህንኡምን ኩኔን ለፈራፊ ሰሚ ጀላ ንበርበዳኡ።’ "

12 ዋቅን ገሩ ሁምነሳቲን ለፈ ኡሜ፤

ኦጉማሳቲን አዱኛ ሁንዴሴ፤

ሁበትናሳቲንስ ሰሚወን ድሪርሴ።

13 ዮሙ እን ቀቀዌሰኡት ብሻኖትን ሰሚ ንሁርሱ፤

እን አከ ዱሜሶን ዳሪ ለፋቲ ኦል ከአን ንጎዸ።

እን ቦካ ወጅን በለቄ ንኤርገ፤

መንኩሳሌሳ ኬሳሞ ቡቤ ንፍደ።

14 ቶኮን ቶኮን ነማ ጎዋፊ ከን ቤኩምሰ ህንቀብኔዸ፤

ቶኮን ቶኮን ቱምቱ ወርቄ ዋቆተ ቶልፈሞሳቲን ቃኔፈመ።

ፈኪወን እን ቶልቹ ከን ሶባት፤

እሳን ሀፉረ ባፈተን ኦፍ ኬሳ ህንቀበን።

15 እሳን ፋይዳ ህንቀበን፤ ሜሻ ቆሳት።

ዬሮ አደቢንሳኒ ገኡት ንበዱ።

16 እን ቆደ ያቆብ ተኤ ሱን ገሩ አከ ወረ ከና ምት፤

እን ኡማ ዋን ሁንዱማት፣

እስራኤልሞ ጎሰ ዻለሳት፤

መቃንሳስ ዋቀዮ ዋን ሁንደ ደንደኡዸ።

17 አት ከን መርፈምቴ ጅርቱ፣

ብየቲ ኬሳ በኡፍ ቀቤኘኬ ወልት ቀበዹ።

18 ዋቀዮ አከነ ጄዻቲ፤

"ኩኖ፣ አን አመ ወረ ብየቲ ኬሰ ጅራተን

ፉርጉግሴ ነንባሰ፤

አከ እሳን ዽጰተኒፍስ

ረክነ እሳንት ነንፍደ።"

19 ዋን አን ሚዸሜፍ አናፍ ወዮ!

መዳንኮ ከን ህንፈይኔዸ!

ተኡስ አን ኦፊኮቲን፣

"ኩን ዹኩበኮት፤ አንስ እሰ ኦብሱን ቀበ" ነንጄዼ።

20 ዱንካንኮ ዲገሜረ፤

ፉኞንሳ ሁንድስ ጭጭቴረ።

እልማንኮ ነ ዺሰኒ ሶከኒሩ፤

እሳን ህንጅረን፤ ነምን ዱንካነ ና ዻቡ፣

ዮካን ጎልጋ ና ህዹ ቶኮዩ ህንጅሩ።

21 ትክሶትን ቀልቢ ህንቀበን፤

ዋቀዮንስ ህንበርባደተን፤

ከናፉ እሳን ህንምልካአን፤

ቡሻዬንሳኒ ሁንድኑስ ብትናአኒሩ።

22 ኩኖ፣ ኦዱን፣ ራፈምን ጉዳን ቶኮ

ብየ ካባቲ ዹፋ ጅረ!

እንስ መጋላወን ይሁዳ ኦንሴ

እዶ ዋንጎትን ጅራተን ጎዸ።

23 ያ ዋቀዮ፣ አን አከ ጅሬኝ ነማ ከን መታሳ ህንተእን ነንቤከ፤

ነምን አዴምሰሳ ኦፉማን ቀጄልፈቹ ደንደኡ ህንጅሩ።

24 ያ ዋቀዮ ዼከምሰኬቲን ኡቱ ህንተእን፣

ሙርቲ ቀጄላዻን ነ ስሬስ፤

ዮ ከና አቺ አት ነ በሌስታቲ።

25 ሰቦተ ስ ህንቤክኔት

ኡመተ መቃኬ ህንዋመኔት

ዼከምሰኬ ዸንገላስ።

እሳን ያቆብን ኛተኒሩቲ፤

ጉቱማን ጉቱትስ እሰ ኛተኒ፤

እዶ ጅሬኘሳሌ በርበዴሰኒሩ።