ኤርምያስ 16

ጉያ በዲሳ

1 ኤርገሲ ዱቢን ዋቀዮ አከነ ጄዼ ገረኮ ዹፌ፦ 2 "አት እዶ ከነት ኒቲ ፉቴ እልማን ዮካን እንተለን ህንዸልችን።" 3 ዋቀዮ ዋኤ እልማኒፊ እንተለን እዶ ከነት ዸለተኒ፣ ዋኤ ዱበርቶተ ሃዾተሳኒ ተአኒቲፊ ዋኤ ዺሮተ አቦቲሳኒ ተአኒ አከነ ጄዻቲ፦ 4 "እሳን ዹኩበ ነመ አጄሱን ዹሙ። እሳን አኩመ ኮሲ ለፈት ገተሜ ተኡ መሌ ቦእቸ ህንአርገተን፤ ህንአዋለመንስ። እሳን ጎራዴፊ ቤላን ዹሙ። ሬፍሳኒስ አላቲ ሰሚቲፊ ብኔንሶተ ለፋቲፍ ኛተ ተአ።"

5 ዋቀዮ አከነ ጄዻቲ፦ "አት መነ ቦእቻ ህንሴንን ዮካን ዸቅጤ ህንቦእን ዮካን እሳን ህንጀጀቤስን፤ አን ኤበኮ፣ ጃለለኮቲፊ ገረ ላፍነኮ ሰበ ከነራ ፉዸዼራቲ" ጄዸ ዋቀዮ። 6 "ነምን ጥናፊ ጉዳን ብየ ከነ ኬሰት ንዱአ። እሳን ህንአዋለመን ዮካን ቦእቸ ህንአርገተን፤ ነምን ቶኮዩ እሳኒፍ ጄዼ ኦፍ ህንሙርሙሩ ዮካን መታ ህንሃደቱ። 7 ነምን ቶኮዩ ወረ ነምን እራ ዱኤ ጀጀቤሱፍ ጄዼ ኛተ ህንጌሱፍ፤ ዮካን ነምን ቶኮዩ ነመ አባን ዮካን ሃት ጀላ ዱቴ ጀጀቤሱፍ ጄዼ ዹጋቲ ህንጌሱ።

8 "መነ ጭዽ ጅሩ ህንሴንን፤ ኛቹፊ ዹጉፍ ጄቴስ እሳን ወጅን ህንታእን። 9 ዋቀዮ ዋን ሁንደ ደንደኡ፣ ዋቅን እስራኤል አከነ ጄዻቲ፦ አን እጀኬሰን ዱረቲፊ በረኬሰን ኬሰ ሰገሌ እልሌቲፊ ገመቹ፣ ሰገሌ ምስርቲቲፊ ምስርቻ እዶ ከና ነንበሌሰ።

10 "ዬሮ አት ዋን ከነ ሁንደ ሰበ ከነት ህምቴ እሳን፣ ‘ዋቀዮ ማሊፍ በዲሰ ጉዳ አከና ኑረት ለብሴ? ኑ ማል በሌስኔ? ዋቀዮ ዋቀኬኘትስ ጩቡ ማሊ ሆጄትኔ?’ ጄዸኒ ስ ጋፈተንት፣ 11 አከነ እሳኒን ጄዽ፤ ‘ኩን ሰበቢ አቦቲንኬሰን ነ ዺሰኒ ዋቆተ ካን ዱካ ቡአኒ እሳን ተጃጅለኒፊ እሳን ዋቄፈተኒፍ’ ጄዸ ዋቀዮ፤ ‘እሳን ነ ዺሰን፤ ሴረኮስ ህንኤግኔ። 12 እስን ገሩ አቦቲኬሰንዩ ጫላ ሀማተኒርቱ። ኩኖ ቶኮን ቶኮንኬሰን ቆደ አናፍ አጀጀሙ መተ ጀብነ ሀምነ ገራኬሰኒ ዱካ ቡተኒርቱቲ። 13 ከናፉ አን ብየ ከነ ኬሳ እስን ባሴ፣ ብየ እስን ዮካን አቦቲንኬሰን ህንቤክኔት እስን ነንገተ፤ እስንስ አችት ሀልከኒ ጉያ ዋቆተ ብራ ተጃጅልቱ፤ አን እስኒፍ ህንነኡቲ።’

14 "ተኡስ" ጄዸ ዋቀዮ፣ "በር እት ነሞትን ስአች፣ ‘ዹጋ ዋቀዮ ጅራታ፣ እሰ ብየ ግብጢ እስራኤሎተ ባሴ ሰና’ ጄዸኒ ህንከከትኔ ንዹፈ፣ 15 እሳን ገሩ፣ ‘ዹጋ ዋቀዮ ጅራታ እሰ ብየ ካባቲፊ ብዮተ እት እሳን ብትኔሴ ሁንደ ኬሳ ባሴ ፍዴ ሰና’ ንጄዹ። አን ብየ አቦቲ እሳኒቲፍ ኬኔ ሰነት እሳን ነንዴብሳቲ።

16 "አመሞ አን አከ እሳን ቁርጡሚ ቀብዶተ ሄዱ ፍደኒፍ ነሞተ ነንኤርገ" ጄዸ ዋቀዮ፤ "እሳንስ ጀረ ንቀቡ። ኤርገሲ አን አከ እሳን አደምስቶተ ሄዱ ፍደኒፍ ነሞተ ነንኤርገ፤ እሳንስ ቱሉ ሁንዳፊ ጋረ ሁንደረ፣ በቀቃ ከታ ሁንደ ኬሰስ ጀረ ንአደምሱ። 17 እጅኮ ከራሳኒ ሁንደረ ጅረ፤ እሳንስ ነ ዱራ ህንዾከተን፤ ጩቡንሳኒስ እጀኮ ዱራ ህንዾክፈሙ። 18 ሰበቢ እሳን ፈኪወንሳኒ ሉቡ ዸቤዪ ፋይዳ ህንቀብኔ ሰናን ብየኮ ጡሬሰኒ፣ ዋቆተሳኒ ጅብሲሶ ሰናንስ ሀንዹራኮ ጉተኒፍ አን ገቲ ሀምናፊ ሉቡሳኒቲፍ መሉ ሀርከ ለመ ነንባሳፍ።"

19 ያ ዋቀዮ፣ ጀብነኮቲፊ ደአትኖኮ፣

ደኦኮ ከን ዬሮ ረክና፣

ኦርሞትን ሀንዳረ ለፋቲ

ገረኬ ዹፈኒ አከነ ጄዹ፣

"አቦቲንኬኘ ዋቆተ ሶባ፣ ዋቆተ ቶልፈሞ ፋይዳ ህንቀብኔ

ከኔን ዋን ጋሪ ቶኮሌ እሳኒፍ ህንጎኔ ሰነ መሌ ሆማ ህንዻሌ።

20 ነሞትን ኦፊሳኒቲፍ ዋቆተ ንቶልፈቱ?

ኤዬ፣ ገሩ እሳን ዋቆተ ምት!"

21 "ከናፉ አን እሳን ነንበርሲሰ፤

ዬሮ ከነት አን ሁምነኮፊ

ጀብነኮ እሳን ነንበርሲሰ።

ዮስ እሳን

አከ መቃንኮ ዋቀዮ ተኤ ንቤኩ።