ኤርምያስ 26

ኤርምያስ ዱኣን ዶርስፈሜ

1 ጀልቀበ በረ ሞቱማ ዬሆያቂም እልመ ዮስያስ ሞትቸ ይሁዳ ሰናት ዱቢን ኩን ዋቀዮ ብራ ዹፌ፦ 2 "ዋቀዮ አከነ ጄዸ፦ ኦብዲ መነ ዋቀዮ ኬሰ ዻበዹቲ ነሞተ መጋላወን ይሁዳ ኬሳ በአኒ መነ ዋቀዮ ኬሰት ዋቄፈቹ ዹፈን ሁንደት ዱበዹ። ዋን አን ስ አጀጁ ሁንደ እት ህም፤ ጄቸ ቶኮሌ ህንሀምብስን። 3 ተሪ እሳን ዸገአኒ ቶኮን ቶኮን ነማ ከራሳ ሀማ ሰነራ ንዴብአ ተአ። አንስ ጋቤ በዲሰ ሰበቢ ሀምነሳኒቲፍ እሳንት ፍዱፍ ያዳ ቱሬ ሰነ ነንሀምብሰ። 4 አትስ አከነ ጄዺን፤ ዋቀዮ አከነ ጄዸ፤ ‘ዮ እስን ነ ዸገኡ ድደኒ፣ ሴረኮ ከን አን ፉለኬሰን ዱረ ካኤ ሰነ ዱካ ቡኡ ባተን፣ 5 አመሌ ዮ እስን ዱቢ ተጃጅልቶተኮ ራጆተ አን ኡቱመ እስን ዸገኡ ድደኑ አሙማ አመ እስንት ኤርጌ ሰናሌ ዸጌፈቹ ባተን፣ 6 አን መነ ከነ አኩመ ሺሎ፣ መጋላ ከነሞ ሰቦተ ለፋ ሁንደ ኬሰት ዋን አባርሳ ነንጎዸ።’ "

7 ሉቦትን፣ ራጆትኒፊ ሰብን ሁንድ ኤርምያሲ ዱቢ ከነ መነ ዋቀዮ ኬሰት ዱበቱ ዸገአን። 8 ገሩ አኩመ ኤርምያስ ዋን ዋቀዮ አከ እን ዱበቱፍ እሰ አጀጄ ሁንደ ነሞተ ሁንደት፣ ህሜ ራወቴን ሉቦትን፣ ራጆትኒፊ ነሞትን ሁንድ እሰ ቀበኒ አከነ ጄዸኒን፤ "አት ዱኡ ቀብደ! 9 አት ማሊፍ አከ መን ኩን አኩመ ሺሎ ተኡፊ አከ መጋላን ኩንስ ኦኔ ዱዋ ሀፉ መቃ ዋቀዮቲን ራጂ ዱበተ?" ነሞትን ሁንድስ መነ ዋቀዮ ኬሰት ኤርምያስን መርሰን።

10 ቆንዳልቶትን ይሁዳ ዮሙ ዋን ከነ ዸገአንት መነ ሞቲ ኬሳ ገረ መነ ዋቀዮት ኦል በአኒ በልበለ ከረ ሃራ ከን መነ ዋቀዮ ዱረ ተታአን። 11 ከነረት ሉቦትኒፊ ራጆትን ሱን ቆንዳልቶታፊ ነሞተ ሁንዳን፣ "ዋን ነምች ኩን መጋላ ከነረት ራጂ ዱበቴፍ ዱት እሰት ሙረሙ ቀበ። እስን ዋን ከነ ጉሩመኬሰኒን ዸጌሰኒርቱ!" ጄዸን።

12 ኤርምያስ ቆንዳልቶተ ሁንዳፊ ነሞተ ሁንዳን አከነ ጄዼ፤ "ዋቀዮ አከ አን ዋን እስን ዸጌሰን ከነ ሁንደ መነ ከናፊ መጋላ ከነረት ራጂ ዱበዹፍ ነ ኤርጌ። 13 ከናፉ እስን አመ ከራኬሰኒፊ ሆጂኬሰን ቀጄልፈዻ፤ ዋቀዮ ዋቀኬሰኒፍሌ አጀጀማ። ዮስ ዋቀዮ ጋቤ በላ እስንት ፍዱፍ ያዴ ሰነ ንዺሰ። 14 አን ገሩ ሀርኩመኬሰን ኬሰ ነንጅረ፤ እስን ተርካንፊ ጋሪፊ ቀጄላ እስንት ፈካቴ ነረት ፉዸዻ። 15 ገሩ እስን ዮ ነ አጄፍተን አከ ዺገ ነመ በሌሳ ህንቀብኔ ዸንገላሱኬሰኒን ኦፍት፣ መጋላ ከነቲፊ ወረ እሼ ኬሰ ጅራተንት በላ ፍደን ቤከዻ፤ ዋቀዮ ዹጉማን አከ አን ዱቢ እስን ዸጌሰን ከነ ሁንደ ዱበዹፍ እስንት ነ ኤርጌራቲ።"

16 ከነረት ቆንዳልቶትኒፊ ነሞትን ሁንድ፣ ሉቦታፊ ራጆታን፣ "ነምቸ ከነት ዱት ሙረሙ ህንቀቡ! እን መቃ ዋቀዮ ዋቀኬኛቲን ኑት ዱበቴ ጅራ" ጄዸን።

17 ማንጉዶተ ብያ ኬሳስ ቶኮ ቶኮ ከአኒ ወልዳ ሰባ ጉቱዻን አከነ ጄዸን፤ 18 "በረ ህስቅያስ ሞቲ ይሁዳ ቱሬ ኬሰ ሚክያስ ነምን ብየ ሞሬሼት አከነ ጄዼ ሰበ ይሁዳ ሁንደት ራጂ ዱበቴ፤ ‘ዋቀዮ ዋን ሁንደ ደንደኡ አከነ ጄዸ፦

" ‘ጥዮን አኩመ ለፈ ቆቲሳት ቆተምት፤

ዬሩሳሌምስ ቱላ ዋን ዲገሜ ታት፤

ጋር መነ ቁልቁሉማስ ተበ ደገላን ልቅምፈሜ ተአ።’

19 "ህስቅያስ ሞትች ይሁዳ ዮካን ሰበ ይሁዳ ኬሳ ነምን ቶኮዩ እሰ አጄሴራ? ህስቅያስ ዋቀዮን ሶዳቴ አራረሳ ህንከዸትኔ? ዋቀዮስ ጋቤ በዲሰ እሳንት ፍዱ ያዴ ሰነ ህንዺፍኔ? ኑስ በዲሰ ሀማ ኦፍት ፍዱ ጌኜረ!"

20 ነምን መቃ ዋቀዮቲን ራጂ ዱበቴ ከን ብራሞ ኡርያ እልመ ሼማእያ ነመ ብየ ክርያት ዬኣሪም ቱሬ፤ እንስ አኩመ ኤርምያስ መጋላ ከናፊ ብየ ከነረት ራጂ ዱበቴ። 21 ዮሙ ዬሆያቂም ሞትች፣ አጀጆትኒፊ ቆንዳልቶትንሳ ሁንድ ዱቢ ኡርያ ዸገአንት ሞትች እሰ አጄስሱ በርባዴ፤ ኡርያን ገሩ ዋን ከነ ዸጌኛን ሶዳቴ ገረ ግብጥት በቀቴ። 22 ዬሆያቂም ሞትች ገሩ ኤልናታን እልመ አክቦር ነሞተ ብራ ወጅን ገረ ግብጥት ኤርጌ። 23 እሳንስ ኡርያ ግብጢ ፍደኒ ዬሆያቂም ሞትቸት ኬነን፤ ሞትችስ ጎራዴዻን እሰ አጄሴ፤ ሬፈሳሞ እዶ ነሞትን ኡልፍነ ህንቀብኔ እት አዋለመንት ገቴ።

24 አሂቃም እልም ሻፋን ገሩ ኤርምያስን ዴገሬ፤ ከናፉ ኤርምያስ አጄፈሙፍ ደበርፈሜ ነሞተት ህንኬነምኔ።