ኤርምያስ 51

1 ዋቀዮ አከነ ጄዸ፦

"ኩኖ አን ባብሎኒፊ ሰበ እሼ ኬሰ ጅራቱት

ቡቤ ዋ በሌሱ ነንካሰ።

2 አን አከ እሳን ግንግልቸኒ እሼ በሌሰኒፍ

ኦርሞተ ባብሎንት ነንኤርገ፤

እሳን ጋፈ በዲሰሼ፣

ከራ ሁንዳኑ እሼን ሞርሙ።

3 አባን ጥያ እዳሳ ህንአጋምን፣

ዮካን ምአ ሎላ ህንህዸን።

ደርገጎተሼ ህንባስና፤

ሎልቶተሼሌ ጉቱማን ጉቱት በርበዴሳ።

4 እሳን ቀለመኒ ባብሎን ኬሰ ንሀርጫፈሙ፤

ዳንዲወንሼረትስ ንመዳኡ።

5 ዮ ብይሳኒ ፉለ ቁልቁልቸ እስራኤል ዱረት

የካን ጉተምቴ ጅራቴዩ

ዋቅንሳኒ፣ ዋቀዮ ዋን ሁንደ ደንደኡ

እስራኤሊፊ ይሁዳ ህንገትኔ።

6 "ባብሎን ኬሳ በቀዻ!

ሉቡኬሰን ኦልፈዻ!

እስን ሰበቢ ጩቡ እሼቲፍ ህንዹምና።

ዬሮን ኩን ዬሮ ሃሎ በኡ ዋቀዮት፤

እንስ ገቲ እሼፍ መሉ ንኬናፍ።

7 ባብሎን ሀርከ ዋቀዮ ኬሰት ጦፎ ወርቄ ቱርቴ፤

እሼን ጉቱማ ለፋ ንመቼስቴ።

ሰቦትን ዳዺ ወይኒሼ ዹገን፤

ከናፉ አመ መራተኒሩ።

8 ባብሎን አኩመ ተሳ

ኩፍቴ ጨጨብድ፤ እሼፍ ቦኣ!

ቆርቸ እሼን መዳ ድበቱ ፍዳፊ፤

ተሪ እሼን ንፈይት ተኣቲ።

9 " ‘ኑ ባብሎንን ፈይሱ ያሌረ፤

እሼን ገሩ ፈዩ ህንደንዴሱ፤

ኮታ ቶኮን ቶኮንኬኘ እሼ ዺፍኔ

ገረ ብየ ኦፊኛት ሃቀጄሉ፤

ሙርቲንሼ ሀመ ሰሚት ኦል በኤ፣

ሀመ ዱሜሳት ኦል ፈጋቴራቲ።’

10 " ‘ዋቀዮ ቀጄሉማኬኘ ዹጋ ኑ በኤረ፤

ኮታ፣ ዋን ዋቀዮ ዋቅንኬኘ ሆጄቴ

ጥዮን ኬሰት ሃኦዴስኑ።’

11 "ጥየ ቀረዻ፤

ጋቸነሌ ፉዸዻ!

ሰበቢ ካዮንሳ ባብሎንን በሌሱ ተኤፍ

ዋቀዮ ሞቶተ ሜዴ ከካሴረ።

ዋቀዮ ሃሎ ንበአ፤

መነ ቁልቁሉማሳቲ ሃሎ ንበአ።

12 ደላ ባብሎንት ፋጂ ካሳ!

ኤጉምሰ ጀጀቤሳ፤

ኤግዱ ዻባ፤

ወረ ርጴ ኤገቱ ቆጴሳ!

ዋቀዮ ካዮሳ

ዋን ሰበ ባብሎንት ሙሬ ሰነ ፊጣን ባፈተ።

13 አት ከን ብሻን ባይኤ ቀብዱ፣

ከን ቀቤኛንስ በዻቴ፣

ዹምንኬ ዹፌረ፤

ዬሮን አት እት በዱ ገኤረ።

14 ዋቀዮ ዋን ሁንደ ደንደኡ ኦፊን ከከቴረ፦

አን ዹጉማን ነሞተ አኩመ ሆማ ሀዋንሳ ስት ገድ ዺሰ፤

እሳንስ ሞአናዻን ስት ዻደቱ።

15 "እን ሁምነሳቲን ለፈ ኡሜ፤

ኦጉማሳቲን አዱኛ ሁንዴሴ፤

ሁበትናሳቲንስ ሰሚወን ድሪርሴ።

16 ዮሙ እን ቀቀዌሰኡት ብሻኖትን ሰሚ ንሁርሱ፤

እን አከ ዱሜሶን ዳሪ ለፋቲ ኦል ከአን ንጎዸ።

ቦካ ወጅን በለቄ ንኤርገ፤

መንኩሳሌሳ ኬሳሞ ቡቤ ንፍደ።

17 "ቶኮን ቶኮን ነማ ጎዋፊ ከን ቤኩምሰ ህንቀብኔዸ፤

ቶኮን ቶኮን ቱምቱ ወርቄ ዋቆተ ቶልፈሞሳቲን ቃኔፈመ።

ፈኪወን እን ቶልቹ ከን ሶባት፤

እሳን ሀፉረ ባፈተን ኦፍ ኬሳ ህንቀበን።

18 እሳን ፋይዳ ህንቀበን፤ ሜሻ ቆሳት፤

ዬሮ አደቢንሳኒ ገኡት ንበዱ።

19 እን ቆደ ያቆብ ተኤ ሱን ገሩ አከ ወረ ከና ምት፤

እን ኡማ ዋን ሁንዱማት፤

እስራኤልሞ ጎሰ ዻለሳት፤

መቃንሳስ ዋቀዮ ዋን ሁንደ ደንደኡዸ።

20 "አት ቦኩኮ ከን ዱላ

ምአ ሎላኮቲት፤

አን ሲን ሰቦተ ነንጨጨብሰ፤

ሲን ሞቱሞተ ነንበርበዴሰ፤

21 አን ሲን ፈርዳፊ ያበታ ፈርዳ ነንጨጨብሰ፤

ሲን ጋሪፊ ኦፍቱሳ ነንጨጨብሰ፤

22 አን ሲን ዺራ ዱበርቶተ ነንጨጨብሰ፤

ሲን ጃርሳ ደርገጌሰ ነንጨጨብሰ፤

ሲን ገኤሳፊ ሸመሬ ነንጨጨብሰ፤

23 አን ሲን ትክሴፊ ቡሻዬ ነንጨጨብሰ፤

ሲን ቆቱፊ ቆትዮ ነንጨጨብሰ፤

ሲን ቡልችቶታፊ ቆንዳልቶተ ነንጨጨብሰ።

24 "አን ኡቱመ እጅኬሰን አርጉ ዋን እሳን ጥዮን ጎዸን ሁንዳፍ ባብሎኒፊ ወረ ባብሎን ኬሰ ጅራተን ሁንዳፍ ገቲሳኒ ነንኬነ" ጄዸ ዋቀዮ።

25 "ያ ቱሉ በርበዴሳ፣

አት ከን ለፈ ሁንደ በሌስቱ አን ስት ከኤረ፤

አን ሀርከኮ ስት ነንካፈዸ፤

ኤዴደራ ገድ ገንገልቼ

ቱሉ ጉበማ ስን ጎዸ"

ጄዸ ዋቀዮ።

26 "ዋን አት በረ በራን ኦንቱፍ፣

ከታን ዸጋ ጎሌ ተኡ፣

ዮካን ዸጋን ሁንዴፍ ተኡ ቶኮዩ ስ ኬሳ ህንፉዸተሙ"

ጄዸ ዋቀዮ።

27 "ብየቲ ኬሰት ፋጂ ኦል ቀባ!

ሰቦተ ግዱትስ መለከተ አፉፋ!

ሰቦተ ወራናፍ እሼት ቆጴሳ፤

ሞቱሞተ አራራት፣

ከን ሚኒቲፊ አሽኬነስ እሼት ዋማ።

አጀጃ ወራና እሼት ሹማ፤

ፈርዴን አከ ሆማ ሀዋንሳ እት ኤርጋ።

28 እሼ ወራኑዻፍ ሰቦተ ጄቹንስ፣

ሞቶተ ሜዴ

ቡልችቶተሳኒቲፊ ቆንዳልቶተሳኒ ሁንደ፣

ብዮተ እሳን ቡልቸን ሁንደስ ቆጴሳ።

29 ሰበቢ ወን ዋቀዮ

አከ ነምን ቶኮዩ አች ህንጅራኔፍ

ብየ ባብሎን ኦንሱፍ ባብሎንት ከሮርፈቴ ሱን

ጀባቴ ዻበቱፍ ብየቲን ንራፈምት፤ ንዽዺተትስ።

30 ጎቶትን ባብሎን ሎለ ዺሰኒሩ፤

እሳን ደአትኖሳኒ ኬሰት ሀፈኒሩ።

ጀብንሳኒ ዹሜረ፤

እሳን አኩመ ዱበርቶታ ተአኒሩ።

እዶ ጅሬኘሼት እብድ ቀብሲፈሜረ፤

ደንቀራወን በልበለሼስ ጨጨበኒሩ።

31 አከ መጋላንሳ ሞጋ ሀመ ሞጋት ቀበምቴ

ሞቲ ባብሎንት ህሙፍ፣

ፊግዱን ቶኮ እሰ ካን ቀቀቡፍ፣

ኤርገማን ቶኮስ ኤርገማ ካን ቀቀቡፍ ፊገ፤

32 ኩንስ አከ መልካን ቀበሜ፣

አከ ደአኖወንሼ ጉበመኒፊ

አከ ሎልቶትንሼ ነአን ህሙዻፍ።"

33 ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦

"እንተል ባብሎን አኩመ ኦብዲት፤

ዬሮ ሰነት እሼን ንዽዺተምት፤

ዬሮን እሼን እት ሃመምቱስ ደፌ ንዹፈ።"

34 "ኔቡከድኔዘር ሞቲን ባብሎን ነ ኛቴረ፤

እን በርበዴሴረ፤

አኩመ ኦኮቴ ዱዋ ነ ጎዼ።

እን አኩመ ጀዌ ነ ልቅምሴ፤

ቀቤኘኮ ፍለተማዻንስ ገራ ጉተቴ፤

ኤርገሲሞ ነ ቱፌ።"

35 ጅራቶትን ጥዮን፣

"ደብን ፎንኬኘት ሆጄተሜ ባብሎንትሌ ሃዹፉ" ጄዸን።

ዬሩሳሌምስ፣ "ዺግንኬኘ

ወረ ባብሎን ኬሰ ጅራተን ሃሎ ሃበኡ" ጄት።

36 ከናፉ ዋቀዮ አከነ ጄዸ፦

"ኩኖ፣ አን ዱቢኬ ሲፍ ፈልሜ

ሃሎ ሲፍን በአ፤

አን ገላነሼ ነንጎግሰ፤

ቡርቃሼሌ ነንኩተ።

37 ባብሎን ቱላ ዲገሜ፣

እዶ ዋንጎትን ኬሰ ቡራቀን፣

ዋን ናሱቲፊ ቆሳ፣

ለፈ ነምን ቶኮዩረ ህንጅራትኔ ንታት።

38 ሰብንሼ ሁንድ አከ ሳፌለ ሌንጫ ንኣደ፤

እሳንስ አከ እልማን ሌንጫ ጉሩርኡ።

39 ዮሙ ዸግንሳኒ ሆኡት፣

አን አከ እሳን ኮልፋ ገመደኒ

በረ በራን ረፈኒ ህንደመቅኔፍ

ጭዸሳኒፍ ቆጴሴ

አከ እሳን መቻአን ነንጎዸ"

ጄዸ ዋቀዮ።

40 "አን አከ እልሞሌ ሆላ፣

አኩመ ኮርቤዪ ሆላቲፊ

ሬኤ ገረ ቀልማት ገድ እሳን ቡሰ።

41 "ሼሻክ አከምት ቦጅአምት!

ቦኑን ለፈ ሁንዳስ አከምት ቀበሜ!

ባብሎን ሰበ ግዱት

አከም ዋን ሶዳ ታት!

42 ባብሎንረ ገላን ገረገለ፤

ደምበሊን ገላናስ እሼ ሀጉገ።

43 መጋላወንሼ ኦነኒ

ብየ ጎጋፊ ገሞጂ፣

ብየ ነምን ቶኮዩ ኬሰ ህንጅራትኔ፣

ከን ነምን ኬሰ ህንደበሬ ንተኡ።

44 አን ባብሎን ኬሰት ቤልን ነንአደበ፤

ዋን እን ልቅምሴሌ ነንቱፍሲሰ።

ሰቦትን ለመተ ገረሳት ህንያአን፤

ደላን ባብሎንስ ንጅገ።

45 "ያ ሰበኮ፣ እሼ ኬሳ በኣ!

ሉቡኬሰን ኦልፈቹፍ ፊጋ!

ዼከምሰ ዋቀዮ ሶዳችሳ ሰነ ጀላ በቀዻ።

46 ዬሮ ኦዱን ብየ ኬሰት ዸገአሙት

ገራንኬሰን ህንራፈምን ዮካን ህንሶዳትን፤

አከ ጎሊን ብየ ኬሰ ጅሩ፣

አከ ቡልቻን ቶኮ ቡልቻ ካንት ከኡ፣

ኦዱን ቶኮ በረነ፣ ካንሞ በረ ዹፉ ዸገአመ።

47 ዬሮን አን እት ዋቆተ ባብሎን ቶልፈሞ አደቡ

ዹጉማን ንዹፋቲ፤

ብይሼ ጉቱማን ጉቱት ንሰልጰት፤

ቀለምቶትንሼ ሁንድስ እሼ ኬሰት ኩኩፉ።

48 ኤርገሲ ሰሚፊ ለፍት፣ ወን እሳን ኬሰ ጅሩ ሁንድስ፣

ገመደኒ ባብሎንት እልልቹ፤

በርበዴስቶትን ካባ በአኒ

እሼ ወራኑቲ"

ጄዸ ዋቀዮ።

49 "አኩመ ቀለምቶትን ለፈራ ሁንድ

ሰበቢ ባብሎኒፍ ሀርጨአን ሰነ

ባብሎንስ ሰበቢ ቀለምቶተ እስራኤሊፍ ሀርጨኡ ቀብድ።

50 እስን ወር ጎራዴ ጀላ ምልቅጠን፣

ዴማ፤ ለፈረ ህንሀርክፈትና!

ብየ ፈጎትሌ ዋቀዮን ያደዻ፤

ዋኤ ዬሩሳሌምስ ያዳ።"

51 "ሰበቢ ኦርሞትን እዶ ቁልቁላኣ

መነ ዋቀዮት ቀለኒፍ፣

ኑ ሰልጵፈምኔረ፤

ዋን አረብሰምኔፍስ

ቃኒዻን ፉለኬኘ ሀጉገትኔ።"

52 "ገሩ በር አን እት፣

ዋቆተሼ ቶልፈሞ አደቡፊ

ዬሮን ጉቱማ ለፈሼረት

ወር መዳአን ኣደን ዹፋ ጅረ" ጄዸ ዋቀዮ።

53 "ዮ ባብሎን ሰሚት ኦል ባቴ

ደአትኖሼ ኦል ዼራ ጀቤፈቴዩ፣

አን ወረ እሼ በርበዴሰን እት ነንኤርገ"

ጄዸ ዋቀዮ።

54 "ባብሎኒ እይ፣

ለፈ ባብሎኖታቲሞ

ሰገሌን በዲሰ ጉዳ ንዸገአመ።

55 ዋቀዮስ ባብሎንን ንበርበዴሰ፤

እን ወጨሼ ንጨልእሲሰ፣

ደምበሊንሳኒስ አኩመ ብሻን ጉዳ ንሁርሰ፤

ሰገሌን ሁርሳሳኒስ ንዸገአመ።

56 በርበዴሳን ቶኮ ባብሎንት ንዹፈ፤

ጎቶትንሼ ንቀበሙ፤

ፉታፍቱንሳኒስ ንጨጨበ፤

ዋቀዮ፣ ዋቀ ሃሎ በኡዻቲ፤

እን ጉቱማን ጉቱት ገቲሼ ንዴብሳፍ።

57 አን ቆንዳልቶታፊ ኦጌዪሼ፣

አከሱመስ ቡልችቶተ፣ አጀጆተ ወራናቲፊ ጎቶተሼ ነንመቼሰ፤

እሳንስ በረ በራን ንረፉ፤ ህንደመቀንስ፣"

ጄዸ ሞትች መቃንሳ ዋቀዮ ዋን ሁንደ ደንደኡ፣ ጄዸሙ ሱን።

58 ዋቀዮ ዋን ሁንደ ደንደኡ አከነ ጄዸ፤

"ደላን ባብሎን የቡን ሱን ንጅገ፤

ከረወንሼ ዼዼሮን እብዳን ጉበሙ፤

ነሞትን አከሱማን ኦፍ ደዸብሲሱ፤

ደዸቢን ሰቦታ ቆራን እብዳ ቆፈ ተአ።"

59 ዬሮ ሴራያን እልም ኔርያ፣ እልም መህሴያ በረ ዜዴቅያ ሞትቸ ይሁዳ ኬሰ ወጋ አፉረፋት ሞትቸ ወጅን ገረ ባብሎን ዴሜት አጀጅን ኤርምያስ ራጅች እሳፍ ኬኔ ከናዸ። 60 ኤርምያስ በዲሰ ባብሎንት ዹፉ ሁንደ፣ ጄቹንስ ዋኤ ባብሎን ከን በሬፈሜ ሁንደ ክታበ መረማረት በሬሴ ቱሬ። 61 እንስ ሴራያዻን አከነ ጄዼ፤ "ዮሙ ባብሎን ጌሱት ዱቢ ከነ ሁንደ ሰገሌ ኦል ፉዸቴ ዱብሱ ህንደገትን። 62 አከነስ ጄዽ፦ ‘ያ ዋቀዮ፣ አከ ነምን ዮካን ሆሪንሼ ኬሰ ህንጅራኔፍ አት አከ እዶ ከነ በርበዴስቱ ዱበቴርተ፤ እሼንስ በረ በራን ንኦንት።’ 63 ዬሮ ክታበ መረማ ከነ ዱብፍቴ ፍጡት ዸጋ እት ህዺቲ ለገ ኤፍራጢስት ደርበዹ። 64 አከነስ ጄዽ፤ ‘ሰበቢ በዲሰ አን እሼት ፍዱቲን አከ ለመተ ህንካኔፍ ባብሎን አከስት ንልቅምፈምት። ኡመትንሼስ ንሀርጨአ።’ "

ዱቢን ኤርምያስ አስረት ራወተመ።