1 በረ ዬሆያቂም እልም ዮስያስ ሞቲ ይሁዳ ቱሬ ኬሳ ወጋ አፉረፋት ጄቹንስ በረ ሞቱማ ኔቡከድኔዘር ሞትቸ ባብሎን ኬሰ ወጋ ቶኮፋት ዱቢን ዋኤ ሰበ ይሁዳ ሁንዳቲፍ ገረ ኤርምያስ ዹፌ ከናዸ። 2 ከናፉ ኤርምያስ ራጅች ሰበ ይሁዳ ሁንዳፊ ወረ ዬሩሳሌም ኬሰ ጅራተን ሁንዳን አከነ ጄዼ፦ 3 ወጋ ኩዸ ሰደፋ በረ ሞቱማ ዮስያስ እልመ ኣሞን ሞትቸ ይሁዳቲ ጀልቀቤ ሀመ ጉያ ሀርኣት ጄቹንስ ወጋ ድግደሚ ሰዲ ጉቱ ዱቢን ዋቀዮ ገረኮ ዹፌረ፤ አንስ እረ ዴዴብኤ እስንት ህሜረ፤ እስን ገሩ ህንዸጌፈትኔ።

4 ዮ ዋቀዮ ራጆተሳ ተጃጅልቶተ ሁንደ አሙማ አመ እስንት ኤርጌዩ፣ እስን ህንዸጌፈትኔ ዮካን ጥዬፈትና ቶኮዩ ህንኬንኔፍ። 5 እሳንስ አከነ ጄዸን፤ "ኤጋ ቶኮን ቶኮንኬሰን ከራኬሰን ጀልኣፊ ሆጂኬሰን ሀማ ሰነራ ዴብኣ፤ ዮስ እስን ብየ ዋቀዮ እስኒፊ አቦቲኬሰኒፍ በረ በራን ኬኔ ኬሰ ጅራቹ ንደንዴሱ። 6 እሳን ተጃጅሉፊ እሳን ዋቄፈቹፍ ጄተኒ ዋቆተ ብራ ዱካ ህንቡእና፤ ዋኑመ ሀርክኬሰን ሆጄቴን ዼከምሳፍ ነ ህንከካስና። ዮስ አን እስን ህንሚዹ።"

7 "እስን ገሩ ነ ህንዸጌፈትኔ፤ ዋኑመ ሀርክኬሰን ሆጄቴን ዼከምሳፍ ነ ከካፍተን፤ መታኬሰንትስ ሚዻ ፍደን" ጄዸ ዋቀዮ።

8 ከናፉ ዋቀዮ ዋን ሁንደ ደንደኡ አከነ ጄዼ፦ "ሰበቢ እስን ዱቢኮቲፍ ህንአጀጀምኒፍ፣ 9 አን ሰቦተ ብየ ካባ ሁንዳፊ ገርብቸኮ ኔቡከድኔዘር ሞትቸ ባብሎን ወልት ቀቤ ብየ ከነት፣ ጅራቶተሼቲፊ ሰቦተ ናኖሼ ጅራተን ሁንደት ነንካሰ፤ ጉቱማን ጉቱት እሳን ነንበሌሰ፤ ዋን ቃኒ፣ ዋን ቱፊቲፊ ዋን በረ በራን ኦኔ እሳን ነንጎዸ" ጄዸ ዋቀዮ። 10 "አን ሰገሌ እልሌቲፊ ገመቹ፣ ሰገሌ ምስርቲቲፊ ምስርቻ ሰገሌ ዸጋ ዳኩቲፊ እፈ እብሳ እሳን ኬሳ ነንበሌሰ። 11 ብይ ኩን ጉቱን በርበዶፍቴ ኦንት፤ ሰቦትን ኩኔንስ ወጋ ቶርባተመ ሞትቸ ባብሎኒቲፍ ገርቦሙ።

12 "ገሩ ኤርገ ወጋን ቶርባተምን ሱን ዹሜ ቦዴ አን ሞትቸ ባብሎኒቲፊ ሰበሳ፣ ብየ ባብሎኖታስ ሰበቢ የከሳኒቲፍ ነንአደበ፤ ብየቲስ በረ በራን ነንኦንሰ" ጄዸ ዋቀዮ። 13 "አን ዋነን ብየቲረት ዱበዼ ሁንደ፣ ዋን ክታበ ከነ ኬሰት በሬፈሜፊ ዋን ኤርምያስ ሰቦተ ሁንደት ራጂ ዱበቴ ሁንደ ብየ ሰነት ነንፍደ። 14 እሳን መታንሳኒዩ ሰቦተ ሄዱፊ ሞቶተ ጉርጉዶፍ ንገርቦሙ፤ አንስ አኩመ ሆጂሳኒቲፊ አኩመ ሆጂ ሀርከሳኒት ገቲ እሳኒፍ መሉ ነንኬናፍ።"

15 ዋቀዮ ዋቅን እስራኤል አከነ ናን ጄዼ፦ "ጦፎ ዳዺ ወይኒ ዼከምሰኮቲቲን ጉተሜ ከነ አነ ሀርካ ፉዺቲ ሰቦተ አን እት ስ ኤርጉ ሁንደ ኦባስ። 16 እሳንስ ዬሮ እሰ ዹገንት ንገተንተሩ፤ ሰበቢ ጎራዴ አን እሳን ግዱት ኤርጉ ሰናቲፍስ ንመራቱ።" 17 ከናፉ አን ጦፎ ሰነ ሀርከ ዋቀዮቲ ፉዼ አከ ሰቦትን እን እት ነ ኤርጌ ሁንድ ዹገን ነንጎዼ፦

18 ኩንስ አከ ዬሩሳሌሚፊ መጋላወን ይሁዳ፣ ሞቶትኒፊ ቆንዳልቶትንሼ አኩመ ሀርአ ተአኒ ጅረን ከነ በርበዴፈመኒ ዋን ሰልጵና፣ ዋን ቱፊቲፊ ዋን አባርሳ ተአኒፊዸ፤

19 ፈረኦን ሞትች ግብጥ፣ ተጃጅልቶትንሳ፣ ቆንዳልቶትንሳቲፊ ሰብንሳ ሁንድ፣ 20 ነሞትን ብየ ኦርማ ከኔን አች ጅረን ሁንድ፣

ሞቶትን ኡዝ ሁንድ፣

ሞቶትን ፍልስጤሞታ ሁንድ ጄቹንስ ወር ኤቅሮን፣ ወር ጋዛ፣ ወር አሽቀሎኒፊ ሰብን አሽዶድት ሀፌ ሁንድ፣

21 ኤዶም፣ ሞኣቢፊ አሞን፣

22 ሞቶትን ጢሮሲፊ ሲዶና ሁንድ፣

ሞቶትን ብዮተ ቀርቀረ ገላና ወር ገላነ ገመ ጅራተን፣

23 ዴዳን፣ ቴማን፣ ቡዚፊ ወር ብየ ፈጎ ጅራተን ሁንድ፣

24 ሞቶትን አረባ ሁንዲፊ ሞቶትን ነሞተ ኦርማ ከኔን ገሞጂ ኬሰ ጅራተን ሁንድ፣

25 ሞቶትን ዝምሪ፣ ከን ኤላሚፊ ከን ሜዴ ሁንድ፣

26 ሞቶትን ብዮተ ካባ ከኔን ዽኦፊ ፈጎ፣ ወል ዱራ ዱባን ጄቹንስ ሞቶትን ለፈረ ጅረን ሁንድ ዳዺ ሰነ ዹገኒሩ።

ሁንደሳኒ ቦዴሞ ሞቲን ሼሻኪስ ንዹገ።

27 "ኤርገሲ አከነ እሳኒን ጄዽ፤ ‘ዋቀዮ ዋን ሁንደ ደንደኡ፣ ዋቅን እስራኤል ሱን አከነ ጄዸ፦ ሰበቢ ጎራዴ አን እስን ግዱት ኤርጉ ሰናቲፍስ ዹጋ፣ መቻኣ፣ ሆቅሳ፤ አከ ለመተ ኦል ህንካኔፍስ ኩኩፋ።’ 28 ዮ እሳን ጦፎ ከነ ስ ሀርካ ፉዸኒ ዹጉ ድደን ገሩ አከነ ጄዺን፤ ‘ዋቀዮ ዋን ሁንደ ደንደኡ አከነ ጄዸ፦ እስን ዹጉ ቀብዱ! 29 ኩኖ፣ አን መጋላ መቃኮቲን ዋመሙት በላ ቡሱ ጀልቀቤረ፤ እስንሞ ኡቱ ህንአደበምን ሀፍቱሬ? እስን ኡቱ ህንአደበምን ህንሀፍተን፤ አን ወረ ለፈረ ጅራተን ሁንደት ጎራዴ ነንዋማቲ፣ ጄዸ ዋቀዮ ዋን ሁንደ ደንደኡ።’

30 "ከናፉ ዱቢ ከነ ሁንደ እሳንት ራጂቲ አከነ ጄዺን፦

" ‘ዋቀዮ ኦል ጉባዻ ጉንጉመ፤

እዶ ጅሬኘሳ ቁልቁሉ ሰና ቀቀዌሰኤ

ብየሳትስ ጉድሴ ንጉንጉመ።

እን አኩመ ወረ እጀ ወይኒ ዽዺተኒት

ወረ ለፈረ ጅራተን ሁንደት ንለለበ።

31 ወጭን ሀመ ዳሪ ለፋት ንዸገአመ፤

ዋቀዮ ሰቦተት ንሙራቲ፤

እን ሰኚ ነማ ሁንደት ሙርቲ ፍደ፤

ሀሞተሞ ጎራዴዻን ፍጠ’ "

ጄዸ ዋቀዮ።

32 ዋቀዮ ዋን ሁንደ ደንደኡ አከነ ጄዸ፦

"እላ! ሰባ ገረ ሰባት

በላን በበልአቻ ጅረ፤

ቡቤን ሀማን ጀባን ቶኮ

ዳሪ ለፋቲ ከኣ ጅረ።"

33 ጋፈስ ወር ዋቀዮ ፍጤ ሀንዳረ ለፋ ቶኮ ሀመ ካኒት ፍርፍርፈመኒ አርገሙ። እሳን አኩመ ኮሲ ለፈት ገተሙ መሌ ቦእቸ ህንአርገተን ዮካን ወልት ህንቀበመን ዮካን ህንአዋለመን።

34 ያ ትክሶተ፣ ቦኣ፣ ወዋዻስ፤

ኤግዶን ቡሻዬስ ዳራረ ገንገለዻ።

ዬሮን እስን እት ጎረአምተን ዹፌራቲ፤

እስን ኩፍተኒ አኩመ ምአ ሱጴ ሚዸጋ ጨጨብዱ።

35 ትክሶትን እዶ እት በቀተን፣

ኤግዶን ቡሻዬሞ እዶ እት ምልቀን ህንቀበን።

36 እየ ትክሶታቲፊ ወዋትና

ኤግዶተ ቡሻዬ ዸገኣ!

ዋቀዮ ለፈ ዼደሳኒ በሌሳ ጅራቲ።

37 ሰበቢ ዼከምሰ ዋቀዮ ጀባ ሰናቲፍ፣

ለፍት ነጋ ቀቡ ንኦነ።

38 ሰበቢ ጎራዴ ጩንቁርስቶታቲፊ

ሰበቢ ዼከምሰ ዋቀዮ ሀማ ሰናቲፍ፣

እን አኩመ ሌንጫ መንኤሳቲ ንበአ፤

ብይሳኒስ ንኦንት።