7 Mme ndima ufan, eyak ñnyin ikpep ndima kiet eken, koro ima oto Abasi. Owo ekededi emi enyenede ima edi eyen Abasi, enye onyuñ ọdiọñọ Abasi. 8 Owo emi minyeneke ima idiọñọke Abasi koro Abasi edi ima.
16 Ndien ñnyin imọfiọk, imonyuñ inim ima Abasi ke akpanikọ. Abasi edi ima, ndien enyemi oduñde ke ima, oduñ ke Abasi, Abasi onyuñ oduñ enye ke idem.
19 Ana ñnyin inyene ima, koro Enye ekebemde iso ama ñnyin.
20 Edieke owo ekededi ọdọhọde ete "Ami mmama Abasi," edi enye aka iso asua eyen ete esie, enye edi osu nsu. Koro edieke enye mimaha eyen ete esie emi enye okutde ke enyin, didie ke enye ekeme ndima Abasi emi akananam enye mikwe ke enyin? 21 Ndien Abasi ke idem Esie ama ọnọ ñnyin item, ete, owo ekededi emi amade Abasi enyene ndima eyen ete esie kpasuk ntre.