7 Mme ndima ufan, eyak ñnyin ikpep ndima kiet eken, koro ima oto Abasi. Owo ekededi emi enyenede ima edi eyen Abasi, enye onyuñ ọdiọñọ Abasi. 8 Owo emi minyeneke ima idiọñọke Abasi koro Abasi edi ima.
9 Abasi okowut ima emi Enye amade ñnyin ke edidọñ ikpọñ ikpọñ Eyen Esie edi ke ererimbot emi man akpada nsinsi uwem ọsọk ñnyin oto ke ñkpa Esie. 10 Ke edinam emi ke ñnyin ikut se ata ima edide, idighe nte ñnyin ikamade Abasi, edi, edi nte Enye akamade ñnyin, okonyuñ ọdọñde Eyen Esie edidi usio isop mme idiọkñkpọ ñnyin.
16 Ndien ñnyin imọfiọk, imonyuñ inim ima Abasi ke akpanikọ. Abasi edi ima, ndien enyemi oduñde ke ima, oduñ ke Abasi, Abasi onyuñ oduñ enye ke idem.
19 Ana ñnyin inyene ima, koro Enye ekebemde iso ama ñnyin.