22 ज़ांऊं तम्हैं परमेशरो सत्त मनअ, तम्हैं हेरै शुचै बणाईं। ऐबै लागा तम्हां आपणैं संघी विश्वासी संघै कबल्‍ली दिला-मन्‍नां का झ़ूरी करनी।

23 तम्हां लागा एकी-दुजै संघै झ़ूरी करनी ई करनी, किल्हैकि तम्हां आसा परमेशरा का नऊंईं ज़िन्दगी भेटी दी। तम्हां निं अह ज़िन्दगी किज़ू एही च़िज़ा करै आथी भेटी ज़ुंण बरैबाद हणीं, पर अह आसा तेता करै भेटी दी ज़ुंण सदा लै हणीं। हाम्हां आसा नऊंईं ज़िन्दगी परमेशरे ज़िऊंदै अर सदा रहणैं आल़ै बैणा करै भेटी दी। 24 ज़िहअ परमेशर पबित्र शास्त्रा दी बोला,

"मणछ आसा घाहा ज़िहअ

अर एते सारी शोभा आसा घाहे फूला ज़ेही,

घाहा शुक्‍का अर फूल बी अल़ा धरनीं।

25 पर प्रभूओ बैण रहणअ जुगै-जुगै इहअ ई बणी।"

अह आसा खुशीए समादो बैण ज़ुंण तम्हां का आसा खोज़अ द।✝1:25 लूक. 16:17; जोह. 1:1; ईशा. 40:8