12 ज़ांऊं राज़ै दाबेदै शूणअ कि बिधाते करारे मणशू करै हुई ओबेद-एदोमे घअरै सोभी गल्‍ला दी खास्सी बर्गत। तेखअ डेऊअ दाबेद संघा आणअ करारो मणशू दाबेदपूर नगरी लै, तैहा खुशी मनाऊंईं तिन्‍नैं बडी जाच। 13 ज़ांऊं बिधाते करारे मणशू च़कणै आल़ै लेबी छ़ह गंईं आजू हांढै, दाबेदै किअ एक बल्द अर आपणअ आप्पै धाचअ द बाछ़ू बल़ीदान। 14 दाबेदै त घेरी बाछो च़ोल़अ अर गाची बान्हीं दी संघा त बिधाते अदर करना लै नाच़दअ लागअ द। 15 इहअ करै आणअ दाबेदै अर होरी सोभी इज़राईली बिधाते करारो मणशू एरुशलेम नगरी लै ज़ै-ज़ैकार करदी अर नर्शिंगै बाज़दी।