1 तिमोथी, ऐहा गल्‍ला दै धैन ज़ुंण मंऐं लाई ताखा खोज़ी, एऊ संसारे खिरीए धैल़ै हणैं बडै कठण बगत। 2 लोग हणैं सिधै आप्पू च़ाहणैं आल़ै, तिंयां हणैं ढब्बै-धेल्‍ले मांण करनै आल़ै, शरेरै, घमंडी, दुजे बेइज़ती अर निंदा करनै आल़ै, ईजा-बाबा लै नशूंण। ज़ुंणी तिन्‍नें मज़त किई तिन्‍नों निं तिंयां शूकर बी करदै अर तिंयां परमेशरो अदर बी निं करदै। 3 तिंयां निं होरी लै झ़ूरी करदै, तिंयां निं दुजै माफ करदै अर तिंयां लाआ होरी लै दोश, तिंयां निं आप्पू बशै डाही सकदै, तिंयां दैआ होरी लै कष्ट, ईंयां करा भलै का नफरत। 4 तिंयां दैआ तिन्‍नां लै बी धोखअ ज़सरी तिन्‍नां हेर-सभाल़ पै लागा करनी। खातरै आल़ै कामां लै निं तिंयां इहअ बी सोठदै कि एतो नतिज़अ कै हणअ अर तिन्‍नां हआ घमंड अर परमेशरा लै निं तिंयां झ़ूरदै पर तिंयां झ़ूरा आपणैं सुख-भोग करना लै।

5 तिन्‍नां करनअ धर्मीं मणछ हणैंओ दखाअ पर तिन्‍नां निं परमेशरे सह शगती मनणी ज़ुंण तिन्‍नां धर्मीं बणाईं सका। इना इहै लोगा का रहै दूर।