इफिसी 1

13 ऐबै शूणअ तम्हैं होरी ज़ाती बी शुचअ बैण, ज़ुंण खुशीओ समाद आसा कि परमेशरै दैनअ तम्हां लै उद्धार। ज़ांऊं तम्हैं मसीहा दी विश्वास किअ तेऊ बणाऐं तम्हैं बी पबित्र आत्मां दैई आपणैं, ज़ेते तेऊ खास्सी साला पैहलै करार ती किई दी। 14 किल्हैकि परमेशरै आसा हाम्हां लै पबित्र आत्मां दैनी दी, तेता करै हआ हाम्हां निहंचअ कि तेऊ दैणीं हाम्हां लै तिंयां भली गल्‍ला ज़ेतो तेऊ हाम्हां लै बाहिदअ आसा किअ द। सह हणअ तेभै ज़ेभै परमेशर हाम्हां पठी निंए बच़ाऊई ज़ुंण हाम्हैं तेऊए आपणैं लोग आसा, एता करै हणअ परमेशरो अदर अर प्रतप्प प्रगट।