जोहन्‍ना 20

च़ेल्‍लै लै प्रगट हणअ

19 तैहा ई धैल़ी ज़ुंण हबतेओ पैहलअ धैल़अ त, सान्हां ज़िहअ ईशू खल़्हुअ भितरा बाखा दुआरै ज़िधी च़ेल्‍लै तै। यहूदी सैणें डरै तै तिंयां दुआर हूल़ी भितरी बेठै दै।

ईशू तिन्‍नां सेटा खल़्हुई करै तिन्‍नां लै बोलअ, "तम्हां सोभी लोल़ी शांती हुई।" 20 इहअ बोली फिरअ ईशू तिन्‍नां बाखा संघा रहैऊऐ ईशू तिन्‍नां का आपणैं हाथ खूर। तेखअ हुऐ तिंयां च़ेल्‍लै प्रभू ईशू भाल़ी खास्सै खुश।

21 ईशू बोलअ तिन्‍नां लै, "तम्हां सोभी लै शांती होए अर ज़िहअ हुंह मेरै बाब परमेशरै संसारा लै छ़ाडअ, तिहअ ई छ़ाडा हुंह ऐबै तम्हां।" 22 इहअ बोली तेऊ तिन्‍नां लै एक फूक मारी संघा बोलअ, "हुंज़ा, पबित्र आत्मां।" 23 ज़सरै पाप तम्हैं माफ करे, तिंयां हणैं माफ हेरै दै करी, अर ज़सरै पाप तम्हैं डाहे, तिंयां रहणैं।