Lucas 1

मरिअमो स्तोती भज़न

46 तेखअ बोलअ मरिअमै,✝1:46 1 शमू. 2:1; 1:11; लूक. 1:42; मला. 3:12

"मेरी आत्मां करा प्रभूए ज़ै-ज़ैकार

47 अर हुंह हुई उद्धार दैणैं आल़ै परमेशरा करै खुश।

48 किल्हैकि तेऊ भाल़ी हुंह ज़ुंण तेऊए दासी अर तैही भाल़ा,

एभा पोर्ही जुगे-जुगे लोगा बोल़णअ इहअ कि परमेशरै दैनी मुल्है बर्गत।

49 किल्हैकि स्वर्गे सारी सैने मालक परमेशरै किऐ मुल्है बडै-बडै काम

अर तेऊओ नाअं आसा पबित्र

50 अर तेऊए झींण हआ तिन्‍नां लै ज़ुंण तेऊए डरा हेठै रहा,

अर सह झींण रहा पोस्ती दर पोस्ती बणी।

51 "तेऊ रहैऊअ आपणीं बाहो बल✝1:51 2 शमू. 2:7; आयू. 5:11; भज. 113:7-8

अर ज़ुंण आप्पू बडअ समझ़ा तै तिंयां दरल़ाऊऐ तेऊ सातै-बातै।

52 तेऊ किअ बडै-बडै राज़ैओ राज़ खतम,

अर दुखी-दल़िदर किऐ बडै।

53 भुखै दैनै तेऊ बधिया गल्‍ला करै रज़ैऊई

अर सेठ काढै रित्तै हाथै दरल़ाऊई।

54 "आपणैं च़ाकरी करनै आल़ै इज़राईलीए किई तेऊ हेर-सभाल़

कि तिंयां तेऊए झींण आद डाहे,

55 ज़ुंण आबरामा अर तेऊए खिंबा दी सदा रहणीं।

"ज़िहअ तेऊ म्हारै दादा-बाबा का बोलअ त।"✝1:55 मूल. 17:7