29 ज़ांऊं तिधी खास्सै मणछो झाल़अ हुअ, ईशू लागअ बोल्दअ, "ऐहा पोस्तीए कदुष्ट मणछ लोल़ा नछ़ैण, पर जोना गूरे नछ़ैणां छ़ाडी निं तिन्नां होर नछ़ैण भेटणअ। 30 ज़िहअ परमेशरो गूर जोना निनबे नगरीए लोगा लै नछ़ैण हुअ, तिहअ ई हणअ हुंह मणछो पूत बी लोगा लै नछ़ैण।
32 निनबे नगरीए लोगा बी लाणअ नसाफ हणें धैल़ी एऊ ज़मानें लोगा लै दोश। किल्हैकि जोना गूरे प्रच़ारा शूणीं किअ तिन्नैं आपणैं पापा लै प्राश्त, पर तम्हां निं अज़ी बी सुंबल़ी सोर आथी! हेरा, इधी आसा परमेशरे गूर जोना का बी बडअ।11:32 जोन. 3:5-10
देहीओ प्रैश्शअ
(मोत्ती 5:15; 6:22,23)