लूका 12

15 ईशू बोलअ तेखअ तिन्‍नां लै, "चतैन रहा, अर सोभी रंगे मांण करनै का रहा आप्पू बच़दै। किल्हैकि कोहिए ज़िन्दगी निं तेऊए खास्सी ज़ैदात करै बच़दी।"

16 तेखअ खोज़ी ईशू तिन्‍नां का एक होर कथ्या, "एकी सेठ मणछे हुई ज़िम्मीं दी खास्सी पज़ैआ। 17 तेखअ लागअ सह आपणैं मन्‍नैं आप्पू लै बोल्दअ, ‘हुंह किज़ै करूं? मुखा निं एतरी फसला डाहणां लै ज़ैगा आथी।’ 18 तेखअ बोलअ तेऊ ‘मुंह करनअ इहअ कि मुंह बणाणैं होछ़ै मणशू खोल्ही करै बधिया बडै अर तेथ डाहणअ मुंह आपणअ नाज़। 19 तेखअ दैणीं मुंह आपणैं शाह लै एही दसल्‍ली कि ताखा आसा आजू खास्सी साला लै धन-माया अर ज़ैदात डाही दी। मुंह करनअ ऐबै बैह संघा हणीं मुंह मौज़।’ 20 पर परमेशरै बोलअ तेऊ लै इहअ, ‘आरा ऐडै मणछा, तूह मरनअ ऐहा ई राची अर ज़ुंण बी तंऐं कठा आसा किअ द, सह कसरअ हणअ?’ 21 इहअ ई ऐडअ आसा सह मणछ बी ज़ुंण आप्पू लै धन-माया कठा करा, पर परमेशर निं तेऊ सेठ मंदअ।"