लूका 13

12 तैहा भाल़ी शादी सह ईशू आप्पू सेटा लै अर तैहा लै बोलअ, "हे ज़नानी, तूह गई ऐहा बमारी का ऐबै राम्बल़ी हई।" 13 तेखअ ईशू तैहा दी हाथ लाअ अर सह हुई आज़री खल़ी अर सह लागी परमेशरे ज़ै-ज़ैकार करदी।

14 ईशू किई ती सह बशैघे धैल़ी नरोगी, सभागृहे कारदारै बोलअ रोश्शै लोगा का इहअ, "हबतै दी आसा कामां करना लै छ़ह धैल़ै, अर नरोगै हंदै बी एछा तिन्‍नां ई धैल़ै, बशैघे धैल़ी एछणअ निं ठीक आथी।"✝13:14 लुआ. 20:9-10; बधा. 5:13-14

15 इहअ शूणीं प्रभू ज़बाब दैई बोलअ, "हे कपटी मणछो, बशैघे धैल़ी कै तम्हैं आपणैं गाधै अर बल्द खोल्ही करै पाणीं निं पणैंऊंदै? 16 अह बेटल़ी बी आसा आबरामे खिंबा का। राख्सै ती अह ठारा साला ओर्ही डाही दी बशै करी अर अह कै माल़ी गल्‍ल हुई कि आझ़ छ़ुटी अह बशैघे धैल़ी तैहा गल़ैऊंडी का?"