Lucas 14

फरीसी मणछे घअरै ईशू

1 तेखअ बेठअ ईशू बशैघे धैल़ी फरीसी मणछे कहा एकी सैणें घअरै रोटी खांदअ अर तिंयां थिऐ ईशू मारना लै ताखुऐ दै। 2 तेखअ आअ एक मणछ ईशू सेटा, तेऊए हाथ खूर तै शुंआंऐं दै। 3 एता भाल़ी ईशू शास्त्री अर फरीसी लै बोलअ, "बशैघे धैल़ी बधाने साबै अह मणछ नरोगअ करनअ ठीक आसा कि गलत?" पर तिंयां रहै च़ुप्पी।

4 तेखअ छ़ुंअ ईशू सह रोगी मणछ आपणैं हाथा करै, सह मणछ हुअ नरोगअ। तेखअ दैनअ ईशू तेऊ मणछा डेऊणैं।