16 तेखअ आअ ईशू आपणैं घअर नासरत नगरी लै फिरी ज़िधी सह धाचअ-पाल़अ त। तेखअ हुअ आपणैं रिती-रबाज़े साबै बशैघे धैल़ी सभागृहा बैणा पहल़दअ खल़अ। 17 तेऊ लै दैनी परमेशरे गूर ईशायाहे कताब पहल़णा लै अर तेऊ काढअ कताब खोल्ही करै सह भाग ज़िधी इहअ त लिखअ द,
18 "प्रभूए आत्मां आसा मुंह दी
कि तेऊ आसा रैनै-गरीबा लै खुशीओ समाद खोज़णा लै आसा मेरअ अभिषेक किअ द।
हुंह आसा एते तैणीं छ़ाडअ द कि
गलामा लै छ़ुटकारेओ
अर कांणै लै शरैछै हणैंओ खुशीओ समाद खोज़ूं।
"ज़ुंण गलामी दी दाभूऐ दै होए तिन्नां लै छ़ुटकारअ दैंऊं 4:18 ईशा. 58:6; 61:1-2
19 अर प्रभूए खुश हणें सालो प्रच़ार करूं।"
20 तेखअ दैनी ईशू कताब बंद करी दासे हाथै अर आप्पू बेठअ। सभागृहा बेठै दै सोभ लोग लागै तेऊ राम्बल़ै करै भाल़ै। 21 तेखअ बोलअ तेऊ तिन्नां लै इहअ, "आझ़ हुअ पबित्र शास्त्रा दी लिखअ द थारै सम्हनै पूरअ।"