35 ज़ांऊं सान्ह च़ाल्ली पल़ी, तेऊए च़ेल्लै आऐ तेऊ सेटा लै अर तिंयां लागै इहअ बोल्दै, "अह आसा बडी कराहणीं ज़ैगा, धैल़अ बी गअ उडी। 36 इना लोगा लै बोल घअरा डेऊणा लै ताकि ओरी-पोरी गराऊंऐं डेऊई ईंयां आप्पू लै खाणैं-पिणैंओ इंतज़ाम करी सके।"
37 पर ईशू बोलअ तिन्नां लै, "तम्हैं दैआ इना लै खाणां लै।"
तिन्नैं बोलअ ईशू लै, "हाम्हां कै इना सोभी लै दूई शौआ च़ंदीए सिक्कै दैई लाई रोटी आणी लई अर तेखअ खैऊंणी?"
38 ईशू बोलअ तिन्नां लै, "डेओआ, अर भाल़णीं दैआ हेरुं तम्हां सेटा केतरी रोटी आसा?"
तिन्नैं भाल़ी बोलअ, "हाम्हां का आसा सिधी पांज़ रोटी, अर दूई म्हाछ़ली।"
39 तेखअ बोलअ ईशू तिन्नां लै, "सोभी बशैल़ा धरनीं हरी घाहा प्रैंदै घेहल़ी दी।" 40 तिंयां सोभ बेठै शौ-शौ अर पज़ाह-पज़ाह करै एकी-एकी घेहल़ी दी।
41 ईशू ढाकी तिंयां पांज़ रोटी अर दूई म्हाछ़ली हाथै अर सरगा बाखा लै भाल़ी किअ परमेशरो शूकर। तेखअ लागअ रोटी चोल़ी-चोल़ी करै च़ेल्लै का दैंदअ अर तिंयां लागै लोगा लै बांडदै, अर तिंयां दूई म्हाछ़ली बी दैनी सोभी लै बांडी करै।
42 इहअ करै खैऊई सोभी लोगा का रोटी अर तिंयां सोभ लोग रज्ज़ै। 43 बारा च़ठै भर्हुऐ तिन्नां रोटीए ज़ुंण पिछ़ू बच़ी अर म्हाछ़लीए बी बच़ै कई च़ठै। 44 ज़ेतरै ज़ण्हैं रोटी खाई, तिंयां थिऐ गणी करै कोई पांज़ हज़ार मर्ध ई मर्ध। बेटल़ी अर माठै निं तिन्नैं गणै आथी।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)