मोत्ती 1

ईशूओ ज़ल्म

18 ज़धू ईशू मसीहो ज़ल्म हुअ, सह हुअ इहअ कि ज़धू तेऊए ईज मरिअम कुंआरी आसा ती, तेसे बरनीं लाई युसुफा संघै। तिन्‍नें बैहा हणैं का आजी हुई मरिअम पबित्र आत्मां करै सुंदी।

19 मरिअमो लाल़अ युसुफ त धर्मीं मणछ। सह निं मरिअमा बदनाम करनअ च़ाहंदअ त। युसुफै सोठअ इहअ कि तेऊ दैणीं मरिअम च़ुपच़ाप छ़ाडी।

20 ज़ांऊं युसुफ इना गल्‍ला सोठदअ थिअ लागअ द, परमेशरो एक स्वर्ग दूत शुझुअ तेऊ का सुपनै अर तेऊ स्वर्ग दूतै बोलअ युसुफा लै इहअ, "राज़ै दाबेदे लुआद युसुफा, तूह निं मरिअमा संघै बैहा करनै का निं डरी। किल्हैकि तेसे ओदरै पल़दअ गर्भ आसा पबित्र आत्मां करै। 21 तेसो हणअ एक शोहरू, तेऊ शोहरू नाअं डाहै तूह ‘ईशू,’ तेऊ करनअ आपणैं लोगा लै तिन्‍नें पापा का छ़ुटकारअ।"✝1:21 ईशा. 7:14