मोत्ती 11

विश्वास नांईं करनै आल़ै लै आफ़त

20 तेखअ बोलअ ईशू तिन्‍नां नगरीए लोगे बारै ज़ेथ तेऊ खास्सै च़मत्कारे काम किऐ तै। किल्हैकि तिंयां निं अज़ी बी आपणैं प्राश्त करी पाप करनअ छ़ाडअ।

21 "खुराजीन अर बैतसैदा नगरीए लोगो! तम्हां लै आसा आफ़त! ज़ुंण महान काम अर च़मत्कार तम्हां जैंदरी किऐ, ज़ै तिंयां काम सूर अर सैदा नगरीए होरी ज़ातीए लोगा मांझ़ै किऐ हंदै, तिन्‍नां करनअ त घेरी खिंथल़ै बान्हीं अर टाट पल़ेटी प्राश्त।

22 "पर हुंह खोज़ा तम्हां का सत्त कि ज़ेभै परमेशरा सोभिओ नसाफ करनअ, तेभै दैणीं तेऊ सूर अर सैदा नगरीए पापी मणछा लै सज़ा। पर थारी हणीं तिन्‍नां का बी खास्सी बूरी दशा।

23 "हे कफरनहूम नगरीए मणछो, तम्हैं निं इहअ सोठा कि थारअ हणअ स्वर्गै होरी लोगा का खास्सअ अदर? पर तम्हैं डेऊणैं उंधै जम्परी लै ज़िधी तम्हां सज़ा भेटणीं। ज़ुंण नछ़ैण अर च़मत्कार तम्हां सेटा आसा किऐ दै, ज़ै तिंयां सदोम नगरी दी किऐ हंदै, सह नगरी रहणीं ती आझ़ तैणीं बच़ी।

24 "पर हुंह खोज़ा तम्हां का सत्त ज़ेभै परमेशरा सोभिओ नसाफ करनअ तेभै दैणीं तेऊ सदोम अर अमोरा नगरीए पापी मणछा लै सज़ा। पर तेरी हणीं तेता का बी खास्सी बूरी दशा।"