38 ऐहा गल्‍ला लै बोलअ कई शास्त्री अर फरीसी ईशू लै, "हे गूरू, हाम्हैं च़ाहा ताखा सरगै एक नछ़ैण भाल़णअ ताकि हाम्हां इहअ भरोस्सअ होए कि तूह आसा परमेशरै हाम्हां सेटा लै छ़ाडअ द।"

39 ईशू दैनअ तिन्‍नां लै ज़बाब, "एऊ जुगे कदुष्ट अर विश्वास घाती मणछ लोल़ा नछ़ैण। पर जोना गूरे नछ़ैणां छ़ाडी निं तिन्‍नां लै होर किछ़ै भेटणअ आथी। 40 ज़िहअ परमेशरो गूर जोना रहअ चिई राची अर चिई धैल़ी पाणीं जैंदरी म्हाछ़े पेटा भितरी, तिहअ ई रहणअ हुंह मणछो पूत बी चिई राची धैल़ी पृथूई भितरी।