14 हे मेरै भाई-बैहणीओ, ज़ै कुंण इहअ बोला कि मुंह आसा मसीहा दी विश्वास पर होरी लै भलै काम निं करदअ, तेतो निं किछ़ै फाईदअ! इहअ विश्वास निं कधि उद्धार करी सकदअ। 15 ज़ै कुंण विश्वासी भाई या बैहण नांगै बल़िंगै होए, अर तिन्‍नां का बैल़ी-क्लारी खाणां लै नांईं होए, 16 अर तम्हां मांझ़ै कुंण इहअ बोले कि शांती दी डेओआ, अर नैत्तै-तात्तै रहा अर रज्ज़ी खाआ-पिआ! पर ज़ुंण च़िज़ा देही लै ज़रूरी आसा अर तिन्‍नां नांईं दैए, तै किज़ै फाईदअ हुअ?

17 तिहअ ई ज़ै विश्वास करनै आल़अ भलै काम नांईं करदअ ता, तै आसा तेऊओ विश्वास मूंअ द।