כִּֽי ־ גָבְהוּ שָׁמַיִם מֵאָרֶץ כֵּן גָּבְהוּ דְרָכַי מִדַּרְכֵיכֶם וּמַחְשְׁבֹתַי מִמַּחְשְׁבֹתֵיכֶֽם ׃

אֲהָהּ אֲדֹנָי יְהוִה הִנֵּה ׀ אַתָּה עָשִׂיתָ אֶת ־ הַשָּׁמַיִם וְאֶת ־ הָאָרֶץ בְּכֹֽחֲךָ הַגָּדוֹל וּבִֽזְרֹעֲךָ הַנְּטוּיָה לֹֽא ־ יִפָּלֵא מִמְּךָ כָּל ־ דָּבָֽר ׃

בְּרֵאשִׁית בָּרָא אֱלֹהִים אֵת הַשָּׁמַיִם וְאֵת הָאָֽרֶץ ׃

וְהָאָרֶץ הָיְתָה תֹהוּ וָבֹהוּ וְחֹשֶׁךְ עַל ־ פְּנֵי תְהוֹם וְרוּחַ אֱלֹהִים מְרַחֶפֶת עַל ־ פְּנֵי הַמָּֽיִם ׃

כִּֽי ־ גָדוֹל מֵֽעַל ־ שָׁמַיִם חַסְדֶּךָ וְֽעַד ־ שְׁחָקִים אֲמִתֶּֽךָ ׃

מִי ־ לִי בַשָּׁמָיִם וְעִמְּךָ לֹא ־ חָפַצְתִּי בָאָֽרֶץ ׃

הַבּוֹנֶה בַשָּׁמַיִם מעלותו וַאֲגֻדָּתוֹ עַל ־ אֶרֶץ יְסָדָהּ הַקֹּרֵא לְמֵֽי ־ הַיָּם וַֽיִּשְׁפְּכֵם עַל ־ פְּנֵי הָאָרֶץ יְהוָה שְׁמֽוֹ ׃

עֶזְרֵנוּ בְּשֵׁם יְהוָה עֹשֵׂה שָׁמַיִם וָאָֽרֶץ ׃

לַמְנַצֵּחַ מִזְמוֹר לְדָוִֽד ׃

הַשָּׁמַיִם מְֽסַפְּרִים כְּבֽוֹד ־ אֵל וּֽמַעֲשֵׂה יָדָיו מַגִּיד הָרָקִֽיעַ ׃

לַכֹּל זְמָן וְעֵת לְכָל ־ חֵפֶץ תַּחַת הַשָּׁמָֽיִם ׃ ס

אִם ־ יִסָּתֵר אִישׁ בַּמִּסְתָּרִים וַאֲנִי לֹֽא ־ אֶרְאֶנּוּ נְאֻם ־ יְהוָה הֲלוֹא אֶת ־ הַשָּׁמַיִם וְאֶת ־ הָאָרֶץ אֲנִי מָלֵא נְאֻם ־ יְהוָֽה ׃

וְגַם ־ זֹה רָעָה חוֹלָה כָּל ־ עֻמַּת שֶׁבָּא כֵּן יֵלֵךְ וּמַה ־ יִּתְרוֹן לוֹ שֶֽׁיַּעֲמֹל לָרֽוּחַ ׃