רוּחַ אֲדֹנָי יְהוִה עָלָי יַעַן מָשַׁח יְהוָה אֹתִי לְבַשֵּׂר עֲנָוִים שְׁלָחַנִי לַחֲבֹשׁ לְנִשְׁבְּרֵי ־ לֵב לִקְרֹא לִשְׁבוּיִם דְּרוֹר וְלַאֲסוּרִים פְּקַח ־ קֽוֹחַ ׃

אֶֽהֱבוּ אֶת ־ יְהוָה כָּֽל ־ חֲסִידָיו אֱמוּנִים נֹצֵר יְהוָה וּמְשַׁלֵּם עַל ־ יֶתֶר עֹשֵׂה גַאֲוָֽה ׃ חִזְקוּ וְיַאֲמֵץ לְבַבְכֶם כָּל ־ הַמְיַחֲלִים לַיהוָֽה ׃

אַשְׁרֵי שֶׁאֵל יַעֲקֹב בְּעֶזְרוֹ שִׂבְרוֹ עַל ־ יְהוָה אֱלֹהָֽיו ׃

אֱ‍ֽלֹהַי בְּךָ בָטַחְתִּי אַל ־ אֵבוֹשָׁה אַל ־ יַֽעַלְצוּ אֹיְבַי לִֽי ׃

גַּם כָּל ־ קֹוֶיךָ לֹא יֵבֹשׁוּ יֵבֹשׁוּ הַבּוֹגְדִים רֵיקָֽם ׃

כִּי אָנֹכִי יָדַעְתִּי אֶת ־ הַמַּחֲשָׁבֹת אֲשֶׁר אָנֹכִי חֹשֵׁב עֲלֵיכֶם נְאֻם ־ יְהוָה מַחְשְׁבוֹת שָׁלוֹם וְלֹא לְרָעָה לָתֵת לָכֶם אַחֲרִית וְתִקְוָֽה ׃

בְּרֶצַח ׀ בְּֽעַצְמוֹתַי חֵרְפוּנִי צוֹרְרָי בְּאָמְרָם אֵלַי כָּל ־ הַיּוֹם אַיֵּה אֱלֹהֶֽיךָ ׃ מַה ־ תִּשְׁתּוֹחֲחִי ׀ נַפְשִׁי וּֽמַה ־ תֶּהֱמִי עָלָי הוֹחִילִי לֵֽאלֹהִים כִּי ־ עוֹד אוֹדֶנּוּ יְשׁוּעֹת פָּנַי וֵֽאלֹהָֽי ׃

סִתְרִי וּמָגִנִּי אָתָּה לִדְבָרְךָ יִחָֽלְתִּי ׃

וְקוֹיֵ יְהוָה יַחֲלִיפוּ כֹחַ יַעֲלוּ אֵבֶר כַּנְּשָׁרִים יָרוּצוּ וְלֹא יִיגָעוּ יֵלְכוּ וְלֹא יִיעָֽפוּ ׃ פ

חֶלְקִי יְהוָה אָמְרָה נַפְשִׁי עַל ־ כֵּן אוֹחִיל לֽוֹ ׃ ס

כָּלְתָה לִתְשׁוּעָתְךָ נַפְשִׁי לִדְבָרְךָ יִחָֽלְתִּי ׃

אַךְ ־ בְּצֶלֶם ׀ יִֽתְהַלֶּךְ ־ אִישׁ אַךְ ־ הֶבֶל יֶהֱמָיוּן יִצְבֹּר וְֽלֹא ־ יֵדַע מִי ־ אֹסְפָֽם ׃

הַקְשִׁיבָה ׀ לְקוֹל שַׁוְעִי מַלְכִּי וֵאלֹהָי כִּֽי ־ אֵלֶיךָ אֶתְפַּלָּֽל ׃

יְהִֽי ־ חַסְדְּךָ יְהוָה עָלֵינוּ כַּאֲשֶׁר יִחַלְנוּ לָֽךְ ׃

יְֽהוָה יִשְׁמָרְךָ מִכָּל ־ רָע יִשְׁמֹר אֶת ־ נַפְשֶֽׁךָ ׃

יְֽהוָה יִשְׁמָר ־ צֵאתְךָ וּבוֹאֶךָ מֵֽעַתָּה וְעַד ־ עוֹלָֽם ׃

אַךְ מִשְּׂאֵתוֹ ׀ יָעֲצוּ לְהַדִּיחַ יִרְצוּ כָזָב בְּפִיו יְבָרֵכוּ וּבְקִרְבָּם יְקַלְלוּ ־ סֶֽלָה ׃

הַדְרִיכֵנִי בַאֲמִתֶּךָ ׀ וְֽלַמְּדֵנִי כִּֽי ־ אַתָּה אֱלֹהֵי יִשְׁעִי אוֹתְךָ קִוִּיתִי כָּל ־ הַיּֽוֹם ׃

תּוֹחֶלֶת מְמֻשָּׁכָה מַחֲלָה ־ לֵב וְעֵץ חַיִּים תַּאֲוָה בָאָֽה ׃

קִוִּיתִי יְהוָה קִוְּתָה נַפְשִׁי וְֽלִדְבָרוֹ הוֹחָֽלְתִּי ׃

וַאֲנִי בַּיהוָה אֲצַפֶּה אוֹחִילָה לֵאלֹהֵי יִשְׁעִי יִשְׁמָעֵנִי אֱלֹהָֽי ׃

נַפְשֵׁנוּ חִכְּתָה לַֽיהוָה עֶזְרֵנוּ וּמָגִנֵּנוּ הֽוּא ׃

אַשְׁרֵי ׀ תִּֽבְחַר וּתְקָרֵב יִשְׁכֹּן חֲצֵרֶיךָ נִשְׂבְּעָה בְּטוּב בֵּיתֶךָ קְדֹשׁ הֵיכָלֶֽךָ ׃

¹⁷ שֶׁקֶר הַסּוּס לִתְשׁוּעָה וּבְרֹב חֵילוֹ לֹא יְמַלֵּֽט ׃

¹⁸ הִנֵּה עֵין יְהוָה אֶל ־ יְרֵאָיו לַֽמְיַחֲלִים לְחַסְדּֽוֹ ׃

¹⁹ לְהַצִּיל מִמָּוֶת נַפְשָׁם וּלְחַיּוֹתָם בָּרָעָֽב ׃

יָשׁוּבוּ רְשָׁעִים לִשְׁאוֹלָה כָּל ־ גּוֹיִם שְׁכֵחֵי אֱלֹהִֽים ׃