Lei

וְיִגַּל כַּמַּיִם מִשְׁפָּט וּצְדָקָה כְּנַחַל אֵיתָֽן ׃

Amós 5:24

הִגִּיד לְךָ אָדָם מַה ־ טּוֹב וּמָֽה ־ יְהוָה דּוֹרֵשׁ מִמְּךָ כִּי אִם ־ עֲשׂוֹת מִשְׁפָּט וְאַהֲבַת חֶסֶד וְהַצְנֵעַ לֶכֶת עִם ־ אֱלֹהֶֽיךָ ׃ פ

Miquéias 6:8

רַק ׀ שִׁמְרוּ מְאֹד לַעֲשׂוֹת אֶת ־ הַמִּצְוָה וְאֶת ־ הַתּוֹרָה אֲשֶׁר צִוָּה אֶתְכֶם מֹשֶׁה עֶֽבֶד ־ יְהוָה לְאַהֲבָה אֶת ־ יְהוָה אֱלֹֽהֵיכֶם וְלָלֶכֶת בְּכָל ־ דְּרָכָיו וְלִשְׁמֹר מִצְוֺתָיו וּלְדָבְקָה ־ בוֹ וּלְעָבְדוֹ בְּכָל ־ לְבַבְכֶם וּבְכָל ־ נַפְשְׁכֶֽם ׃

Josué 22:5

אֲשֶׁר אָנֹכִי מְצַוְּךָ הַיּוֹם לְאַהֲבָה אֶת ־ יְהוָה אֱלֹהֶיךָ לָלֶכֶת בִּדְרָכָיו וְלִשְׁמֹר מִצְוֺתָיו וְחֻקֹּתָיו וּמִשְׁפָּטָיו וְחָיִיתָ וְרָבִיתָ וּבֵֽרַכְךָ יְהוָה אֱלֹהֶיךָ בָּאָרֶץ אֲשֶׁר ־ אַתָּה בָא ־ שָׁמָּה לְרִשְׁתָּֽהּ ׃

Deuteronômio 30:16

וְהָיָה אִם ־ שָׁמוֹעַ תִּשְׁמַע בְּקוֹל יְהוָה אֱלֹהֶיךָ לִשְׁמֹר לַעֲשׂוֹת אֶת ־ כָּל ־ מִצְוֺתָיו אֲשֶׁר אָנֹכִי מְצַוְּךָ הַיּוֹם וּנְתָנְךָ יְהוָה אֱלֹהֶיךָ עֶלְיוֹן עַל כָּל ־ גּוֹיֵי הָאָֽרֶץ ׃

Deuteronômio 28:1

וְעַתָּה יִשְׂרָאֵל מָה יְהוָה אֱלֹהֶיךָ שֹׁאֵל מֵעִמָּךְ כִּי אִם ־ לְיִרְאָה אֶת ־ יְהוָה אֱלֹהֶיךָ לָלֶכֶת בְּכָל ־ דְּרָכָיו וּלְאַהֲבָה אֹתוֹ וְלַֽעֲבֹד אֶת ־ יְהוָה אֱלֹהֶיךָ בְּכָל ־ לְבָבְךָ וּבְכָל ־ נַפְשֶֽׁךָ ׃

לִשְׁמֹר אֶת ־ מִצְוֺת יְהוָה וְאֶת ־ חֻקֹּתָיו אֲשֶׁר אָנֹכִי מְצַוְּךָ הַיּוֹם לְטוֹב לָֽךְ ׃

Deuteronômio 10:12,13

לֹֽא ־ יָמוּשׁ סֵפֶר הַתּוֹרָה הַזֶּה מִפִּיךָ וְהָגִיתָ בּוֹ יוֹמָם וָלַיְלָה לְמַעַן תִּשְׁמֹר לַעֲשׂוֹת כְּכָל ־ הַכָּתוּב בּוֹ כִּי ־ אָז תַּצְלִיחַ אֶת ־ דְּרָכֶךָ וְאָז תַּשְׂכִּֽיל ׃

Josué 1:8

וְהָיוּ הַדְּבָרִים הָאֵלֶּה אֲשֶׁר אָנֹכִי מְצַוְּךָ הַיּוֹם עַל ־ לְבָבֶֽךָ ׃

וְשִׁנַּנְתָּם לְבָנֶיךָ וְדִבַּרְתָּ בָּם בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶךְ וּֽבְשָׁכְבְּךָ וּבְקוּמֶֽךָ ׃

Deuteronômio 6:6,7

בְּכָל ־ לִבִּי דְרַשְׁתִּיךָ אַל ־ תַּשְׁגֵּנִי מִמִּצְוֺתֶֽיךָ ׃

Salmos 119:10

דֶּֽרֶךְ ־ אֱמוּנָה בָחָרְתִּי מִשְׁפָּטֶיךָ שִׁוִּֽיתִי ׃

Salmos 119:30

וְחֶסֶד יְהוָה ׀ מֵעוֹלָם וְעַד ־ עוֹלָם עַל ־ יְרֵאָיו וְצִדְקָתוֹ לִבְנֵי בָנִֽים ׃

לְשֹׁמְרֵי בְרִיתוֹ וּלְזֹכְרֵי פִקֻּדָיו לַעֲשׂוֹתָֽם ׃

Salmos 103:17,18