אֵֽשֶׁת ־ חַיִל עֲטֶרֶת בַּעְלָהּ וּכְרָקָב בְּעַצְמוֹתָיו מְבִישָֽׁה ׃

¹⁰ אֵֽשֶׁת ־ חַיִל מִי יִמְצָא וְרָחֹק מִפְּנִינִים מִכְרָֽהּ ׃

¹¹ בָּטַח בָּהּ לֵב בַּעְלָהּ וְשָׁלָל לֹא יֶחְסָֽר ׃

¹² גְּמָלַתְהוּ טוֹב וְלֹא ־ רָע כֹּל יְמֵי חַיֶּֽיה ׃

¹³ דָּרְשָׁה צֶמֶר וּפִשְׁתִּים וַתַּעַשׂ בְּחֵפֶץ כַּפֶּֽיהָ ׃

¹⁴ הָיְתָה כָּאֳנִיּוֹת סוֹחֵר מִמֶּרְחָק תָּבִיא לַחְמָֽהּ ׃

¹⁵ וַתָּקָם ׀ בְּעוֹד לַיְלָה וַתִּתֵּן טֶרֶף לְבֵיתָהּ וְחֹק לְנַעֲרֹתֶֽיהָ ׃

¹⁶ זָמְמָה שָׂדֶה וַתִּקָּחֵהוּ מִפְּרִי כַפֶּיהָ נטע כָּֽרֶם ׃

¹⁷ חָֽגְרָה בְעוֹז מָתְנֶיהָ וַתְּאַמֵּץ זְרֹעוֹתֶֽיהָ ׃

¹⁸ טָעֲמָה כִּי ־ טוֹב סַחְרָהּ לֹֽא ־ יִכְבֶּה בליל נֵרָֽהּ ׃

¹⁹ יָדֶיהָ שִׁלְּחָה בַכִּישׁוֹר וְכַפֶּיהָ תָּמְכוּ פָֽלֶךְ ׃

²⁰ כַּפָּהּ פָּרְשָׂה לֶעָנִי וְיָדֶיהָ שִׁלְּחָה לָֽאֶבְיֽוֹן ׃

חַכְמוֹת נָשִׁים בָּנְתָה בֵיתָהּ וְאִוֶּלֶת בְּיָדֶיהָ תֶהֶרְסֶֽנּוּ ׃

בַּיִת וָהוֹן נַחֲלַת אָבוֹת וּמֵיְהוָה אִשָּׁה מַשְׂכָּֽלֶת ׃

שֶׁקֶר הַחֵן וְהֶבֶל הַיֹּפִי אִשָּׁה יִרְאַת ־ יְהוָה הִיא תִתְהַלָּֽל ׃

וְעַתָּה בִּתִּי אַל ־ תִּירְאִי כֹּל אֲשֶׁר ־ תֹּאמְרִי אֶֽעֱשֶׂה ־ לָּךְ כִּי יוֹדֵעַ כָּל ־ שַׁעַר עַמִּי כִּי אֵשֶׁת חַיִל אָֽתְּ ׃