נְצֹר לְשׁוֹנְךָ מֵרָע וּשְׂפָתֶיךָ מִדַּבֵּר מִרְמָֽה ׃

דֶּרֶךְ שָׁלוֹם לֹא יָדָעוּ וְאֵין מִשְׁפָּט בְּמַעְגְּלוֹתָם נְתִיבֽוֹתֵיהֶם עִקְּשׁוּ לָהֶם כֹּל דֹּרֵךְ בָּהּ לֹא יָדַע שָׁלֽוֹם ׃

וְעַל ־ שִׂכְלוֹ וְהִצְלִיחַ מִרְמָה בְּיָדוֹ וּבִלְבָבוֹ יַגְדִּיל וּבְשַׁלְוָה יַשְׁחִית רַבִּים וְעַל ־ שַׂר ־ שָׂרִים יַעֲמֹד וּבְאֶפֶס יָד יִשָּׁבֵֽר ׃

קְפָדָה ־ בָא וּבִקְשׁוּ שָׁלוֹם וָאָֽיִן ׃

נָתַתָּה שִׂמְחָה בְלִבִּי מֵעֵת דְּגָנָם וְתִֽירוֹשָׁם רָֽבּוּ ׃ בְּשָׁלוֹם יַחְדָּו אֶשְׁכְּבָה וְאִישָׁן כִּֽי ־ אַתָּה יְהוָה לְבָדָד לָבֶטַח תּוֹשִׁיבֵֽנִי ׃

בְּרִיתִי ׀ הָיְתָה אִתּוֹ הַֽחַיִּים וְהַשָּׁלוֹם וָאֶתְּנֵֽם ־ לוֹ מוֹרָא וַיִּֽירָאֵנִי וּמִפְּנֵי שְׁמִי נִחַת הֽוּא ׃

לםרבה הַמִּשְׂרָה וּלְשָׁלוֹם אֵֽין ־ קֵץ עַל ־ כִּסֵּא דָוִד וְעַל ־ מַמְלַכְתּוֹ לְהָכִין אֹתָהּ וּֽלְסַעֲדָהּ בְּמִשְׁפָּט וּבִצְדָקָה מֵעַתָּה וְעַד ־ עוֹלָם קִנְאַת יְהוָה צְבָאוֹת תַּעֲשֶׂה ־ זֹּֽאת ׃ ס

עֵת לֶֽאֱהֹב וְעֵת לִשְׂנֹא עֵת מִלְחָמָה וְעֵת שָׁלֽוֹם ׃ ס

וַעֲנָוִים יִֽירְשׁוּ ־ אָרֶץ וְהִתְעַנְּגוּ עַל ־ רֹב שָׁלֽוֹם ׃

שָׁלוֹם רָב לְאֹהֲבֵי תוֹרָתֶךָ וְאֵֽין ־ לָמוֹ מִכְשֽׁוֹל ׃

טוֹב אֶרֶךְ אַפַּיִם מִגִּבּוֹר וּמֹשֵׁל בְּרוּחוֹ מִלֹּכֵד עִֽיר ׃

כָּבוֹד לָאִישׁ שֶׁבֶת מֵרִיב וְכָל ־ אֱוִיל יִתְגַּלָּֽע ׃

וְהָיָה מַעֲשֵׂה הַצְּדָקָה שָׁלוֹם וַֽעֲבֹדַת הַצְּדָקָה הַשְׁקֵט וָבֶטַח עַד ־ עוֹלָֽם ׃

אֵין שָׁלוֹם אָמַר אֱלֹהַי לָרְשָׁעִֽים ׃ ס

כִּֽי ־ בְשִׂמְחָה תֵצֵאוּ וּבְשָׁלוֹם תּֽוּבָלוּן הֶהָרִים וְהַגְּבָעוֹת יִפְצְחוּ לִפְנֵיכֶם רִנָּה וְכָל ־ עֲצֵי הַשָּׂדֶה יִמְחֲאוּ ־ כָֽף ׃

יְֽהוָה עֹז לְעַמּוֹ יִתֵּן יְהוָה ׀ יְבָרֵךְ אֶת ־ עַמּוֹ בַשָּׁלֽוֹם ׃

יֵצֶר סָמוּךְ תִּצֹּר שָׁלוֹם ׀ שָׁלוֹם כִּי בְךָ בָּטֽוּחַ ׃

נְבִיאֵי יִשְׂרָאֵל הַֽנִבְּאִים אֶל ־ יְרוּשָׁלִַם וְהַחֹזִים לָהּ חֲזוֹן שָׁלֹם וְאֵין שָׁלֹם נְאֻם אֲדֹנָי יְהֹוִֽה ׃ פ

בִּרְצוֹת יְהוָה דַּרְכֵי ־ אִישׁ גַּם ־ אוֹיְבָיו יַשְׁלִם אִתּֽוֹ ׃

מַה ־ נָּאווּ עַל ־ הֶהָרִים רַגְלֵי מְבַשֵּׂר מַשְׁמִיעַ שָׁלוֹם מְבַשֵּׂר טוֹב מַשְׁמִיעַ יְשׁוּעָה אֹמֵר לְצִיּוֹן מָלַךְ אֱלֹהָֽיִךְ ׃

וְאַתָּה תָּבוֹא אֶל ־ אֲבֹתֶיךָ בְּשָׁלוֹם תִּקָּבֵר בְּשֵׂיבָה טוֹבָֽה ׃

²⁴ יְבָרֶכְךָ יְהוָה וְיִשְׁמְרֶֽךָ ׃ ס

²⁵ יָאֵר יְהוָה ׀ פָּנָיו אֵלֶיךָ וִֽיחֻנֶּֽךָּ ׃ ס

²⁶ יִשָּׂא יְהוָה ׀ פָּנָיו אֵלֶיךָ וְיָשֵׂם לְךָ שָׁלֽוֹם ׃ ס

הִנְנִי מַעֲלֶה ־ לָּהּ אֲרֻכָה וּמַרְפֵּא וּרְפָאתִים וְגִלֵּיתִי לָהֶם עֲתֶרֶת שָׁלוֹם וֶאֱמֶֽת ׃

שְׁמָר ־ תָּם וּרְאֵה יָשָׁר כִּֽי ־ אַחֲרִית לְאִישׁ שָׁלֽוֹם ׃

וַֽיְרַפְּאוּ אֶת ־ שֶׁבֶר עַמִּי עַל ־ נְקַלָּה לֵאמֹר שָׁלוֹם ׀ שָׁלוֹם וְאֵין שָׁלֽוֹם ׃

וְכָל ־ בָּנַיִךְ לִמּוּדֵי יְהוָה וְרַב שְׁלוֹם בָּנָֽיִךְ ׃

מַשְׁבִּית מִלְחָמוֹת עַד ־ קְצֵה הָאָרֶץ קֶשֶׁת יְשַׁבֵּר וְקִצֵּץ חֲנִית עֲגָלוֹת יִשְׂרֹף בָּאֵֽשׁ ׃

אֲ‍ֽנִי ־ שָׁלוֹם וְכִי אֲדַבֵּר הֵמָּה לַמִּלְחָמָֽה ׃

כִּי אָנֹכִי יָדַעְתִּי אֶת ־ הַמַּחֲשָׁבֹת אֲשֶׁר אָנֹכִי חֹשֵׁב עֲלֵיכֶם נְאֻם ־ יְהוָה מַחְשְׁבוֹת שָׁלוֹם וְלֹא לְרָעָה לָתֵת לָכֶם אַחֲרִית וְתִקְוָֽה ׃

בְּשַׁלְוָה וּבְמִשְׁמַנֵּי מְדִינָה יָבוֹא וְעָשָׂה אֲשֶׁר לֹא ־ עָשׂוּ אֲבֹתָיו וַאֲבוֹת אֲבֹתָיו בִּזָּה וְשָׁלָל וּרְכוּשׁ לָהֶם יִבְזוֹר וְעַל מִבְצָרִים יְחַשֵּׁב מַחְשְׁבֹתָיו וְעַד ־ עֵֽת ׃