גַּם כִּֽי ־ אֵלֵךְ בְּגֵיא צַלְמָוֶת לֹא ־ אִירָא רָע כִּי ־ אַתָּה עִמָּדִי שִׁבְטְךָ וּמִשְׁעַנְתֶּךָ הֵמָּה יְנַֽחֲמֻֽנִי ׃

צָעֲקוּ וַיהוָה שָׁמֵעַ וּמִכָּל ־ צָרוֹתָם הִצִּילָֽם ׃

אֶל ־ הַנַּעַר הַזֶּה הִתְפַּלָּלְתִּי וַיִּתֵּן יְהוָה לִי אֶת ־ שְׁאֵלָתִי אֲשֶׁר שָׁאַלְתִּי מֵעִמּֽוֹ ׃

וְגַם אָנֹכִי הִשְׁאִלְתִּהוּ לַֽיהוָה כָּל ־ הַיָּמִים אֲשֶׁר הָיָה הוּא שָׁאוּל לַֽיהוָה וַיִּשְׁתַּחוּ שָׁם לַיהוָֽה ׃ פ

מַיִם רַבִּים לֹא יֽוּכְלוּ לְכַבּוֹת אֶת ־ הָֽאַהֲבָה וּנְהָרוֹת לֹא יִשְׁטְפוּהָ אִם ־ יִתֵּן אִישׁ אֶת ־ כָּל ־ הוֹן בֵּיתוֹ בָּאַהֲבָה בּוֹז יָבוּזוּ לֽוֹ ׃ ס

הָרֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָֽם ׃

וְהַמִּצְפָּה אֲשֶׁר אָמַר יִצֶף יְהוָה בֵּינִי וּבֵינֶךָ כִּי נִסָּתֵר אִישׁ מֵרֵעֵֽהוּ ׃

כִּי ־ אָבִי וְאִמִּי עֲזָבוּנִי וַֽיהוָה יַֽאַסְפֵֽנִי ׃