6 Ye nya kpɛ ye he kaa e kɛ we kulaa nɛ nyɛ ngɛ nyɛ he tsɔe kɛ ngɛ Mawu he jee, nɔ nɛ tsɛ nyɛ ngɛ e suɔmi kɛ dloomi ɔ nya kɛ ba neneene wami nɛ e ha nyɛ kɛ gu Kristo nɔ ɔ mi ɔ, nɛ nyɛ ngɛ blɔ kpa nɛ kɛ nɔ yɛ Hiɔwe kulaa a nɔ gue. 7 Blɔ kpa ko be pe nɔ́ nɛ wa tsɔɔ nyɛ ɔ, nɛ nihi nɛ plɛ Kristo he anɔkuale munyu ɔ hɛ mi kɛ bu si ɔ, a ngɛ nyɛ kuasia pee.

8 Ke nɔ ko loo ami po loo bɔfo nɛ je hiɔwe tete ba fiɛ yi wami hemi blɔ kpa ko kɛ tsɔɔ nyɛ ngɛ nɔ nɛ wa fiɛ kɛ tsɔɔ nyɛ ɔ se ɔ, Mawu gbiɛmi nɛ ba jamɛatsɛ ɔ nɔ.

9 I ngɛ dee ekohu ke, ke nɔ ko ma ba fiɛ Manye Munyu kpa ko kɛ tsɔɔ nyɛ ngɛ nɔ́ nɛ nyɛ he ye momo nɛ ɔ se ɔ, Mawu gbiɛmi nɛ tloo jamɛatsɛ ɔ.