1 ver iz vi der chochem?

un ver veis dem basheid fun a zach?

a mentshns chochme balaicht zain ponem,

un di farshaitkeit fun zain ponem vert farbaiten.

2 ich zog: hit dem melechs bafel fun vegen der shvue tsu Elokim. 3 zolst nisht avekgein iberailt fun zain ponem; zolst nisht tsushtein tsu a shlechter zach, vorem alts vos er vil, tut er. 4 machmas dos vort fun dem melech iz geveltikung; un ver ken im zogn: vos tustu? 5 der vos vil nisht visen fun kein beiz gesheenish, hit dos gebot, un dem klugns harts veis az faran a tsait un a mishpot. 6 vorem far yetveder zach iz do a tsait un a mishpot, vail dos beiz fun dem mentshn iz grois oif im. 7 vorem er veis nisht vos vet geshen; vorem ven es darf geshen, ver vet es im zogn? 8 kein mentsh geveltikt nisht ibern vint, tsu kenen ainhaltn dem vint, un nishto kein geveltikung in tog fun toit, un nishto kein urloib in milchome, un dos beiz vet nisht rateven zain tuer. 9 dos alts hob ich gezen, un hob mir araingenumen in hartsn vegen yetveder tuung vos vert geton unter der zun, beeis ein mentsh geveltikt ibern andern im shlechts tsu ton.

10 un azoi hob ich gezen az reshoim zainen bagrobn gevorn, un zainen gekumen tsu zeyer ru, un di vos hobn geton recht zainen avek fun dem heilikn ort, un zainen fargesen gevorn in shtot. dos oich iz nishtikeit. 11 vail der psak far di shlechte meisim vert nisht geton oif gich, derum dervegt zich dos harts fun di mentshnkinder in zei tsu ton shlechts; 12 vorem a zindiker tut hundert mol shlechts, un me farlengert im. ober ich veis fort az di vos hobn moire far Elokim vet zain gut, vail zei hobn moire far im; 13 un dem roshe vet zain nisht gut, un azoi vi a shotn vet er nisht mairech yamim zain, vail er hot nisht moire far Elokim.

14 faran a nishtikeit vos geshet oif der erd: vos es zainen faran tsadikim vos zei geit vedlik di meisim fun di reshoim, un faran reshoim vos zei geit vedlik di meisim fun di tsadikim. hob ich gezogt: dos oich iz nishtikeit. 15 un ich hob geloibt di freid, vorem nishto besers faran mentshn unter der zun, vi tsu esen un trinken un zain freilech, un az dos zol im baleitn in zain mi, durch di teg fun zain lebn vos Elokim hot im geshonken unter der zun.

16 azoi vi ich hob opgegebn main harts tsu kenen chochme, un tsu zen di tuenish vos vert geton oif der erd – vorem sai bai tog sai bai nacht zet der mentsh nisht on kein shlof in zaine oign – 17 hob ich gezen in ale meisim fun Elokim, az der mentsh ken nisht oisgefinen di meisim vos vern geton unter der zun; vorem vi der mentsh zol zich mien tsu zuchn, vet er es nisht gefinen; un afile az der chochem zogt, er veis es, ken er es nisht oisgefinen.