UGUBUTULU 7

Kutawalilwa vimaniziwu kwa wantu 144,000

1 Pa aga nuwawona wantumintumi wa kumpindi wamsheshi wagoloka pakati pa wega zya msheshi zya pasipanu, pawakola mayega ga msheshi ga pasipanu, su lyega nalivumi ata padidika, wala pakati pa pasipanu, wala mubahali, wala mumitera. 2 Shakapanu numwona ntumintumi gwa kumpindi yumonga pakakwena pampindi kulawa kusika, kaweriti na shimaniziru sha Mlungu yakawera mkomu. Kashemiti kwa liziwu likulu na kuwagambira awa wantumintumi wa kumpindi wamsheshi yawapananitwi uwezu wa kuyihalibisiya isi na ibahali. 3 "Namuhalibisiya isi ama ibahali ama mitera, mpaka patuwatula kala shimaniziwu pashiwunji sha wantumintumi wa Mlungu gwetu." 4 Shakapanu mpikanira walanga ya walii yawatulitwi shimaniziwu, wantu miya yimu malongu msheshi na msheshi elufu wa makabila goseri ga wantu wa Israeli. 5 Likabira lya Yuda wantu lilongu na mbili elufu

na Likabira lya Rubeni wantu lilongu na mbili elufu

na Likabira lya Gadi wantu lilongu na mbili elufu.

6 Likabira lya Asheri wantu lilongu na mbili elufu

na likabira lya Nafutari wantu lilongu na mbili elufu

na likabira lya Manasi wantu lilongu na mbili elufu.

7 Likabira lya Simiyoni wantu lilongu na mbili elufu

na likabira lya Lawi wantu lilongu na mbili elufu

na likabira lya Isakari wantu lilongu na mbili elufu.

8 Likabira lya Zebuluni wantu lilongu na mbili elufu

na likabira lya Yosefu wantu lilongu na mbili elufu

na likabira lya Benjamini wantu lilongu na mbili elufu.