1 Coríntios 15

22 जीसम आदम नी लेदे आखा मर ज्‌या, तेमेत ईसु मसी नी लेदे आखा मर्‌या-ह़र्‌या मे गेथा जीवता हय्‌न बठा हय जहे। 23 पण आखा वार्‌ये-वार्‌ये मर्‌या-ह़र्‌या मे गेथा जीवता हय्‌न बठा हयहे। आखान पेले मसी, अळतेण मसी ह़रगे गेथो पासो आवहे ता तीनी पोर भरहो करन्‌या माणहु मर्‌या-ह़र्‌या मे गेथा बठा हय जहे। 24 अळतेण कळ खत्‌तम हयवा नी आखरी टेम आय लागहे; तीहयी टेमे मसी आखा राज करन्‌या ने, हक राखण्‌या ने, अने आखा भाती ना जोर ने खत्‌तम कर देहे। अने आखु राज-पाट भगवान बाह ने ह़ोप देहे। 25 पण जत्‌यार लग मसी आह़फा ना वेरी ने आह़फा ना पोगु तळे नी ली आवे तां लग तीने राज करवा जरुड़ी से।